![](https://baaghitv.com/wp-content/uploads/2022/06/IMG-20220603-WA0022.jpg)
ایم ڈی اے قسور عباس کے لیے انکوائری کے احکامات جاوید اختر محمود کی جانب سے جاری
باغی ٹی وی کی رپورٹ کے مطابق سیکرٹری ہاؤسنگ جنوبی پنجاب جاوید اختر محمود نے ڈائریکٹر ٹاؤن پلاننگ ایم ڈی اے قسور عباس کے خلاف انکوائری کے احکامات جاری کر دیئے ہیں۔نیب ملتان نے ہاؤسنگ ڈیپارٹمنٹ جنوبی پنجاب کو پیڈا ایکٹ کے تحت انکوائری کی ہدایات دیں۔قسور عباس پر حقائق چھپانے اور نیب ملتان کو غلط معلومات دینے کے الزامات ہیں۔سپریڈنٹ انجینئرنگ پی ایچ ای ملتان ظہور احمد ڈوگر کو انکوائری آفیسر مقرر کر دیا گیا ہے۔اسسٹنٹ ڈائریکٹر ٹاؤن پلاننگ سمبا ممتاز کو ڈیپارٹمنٹل نمائندہ مقرر کیا گیا ہے۔انکوائری دو ماہ میں مکمل کرنے کے احکامات بھی جاری کر دیں گئیں ہیں۔اس موقع پر سیکرٹری ہاؤسنگ جنوبی پنجاب جاوید اختر محمود نے کہا ہے کہ آفیسران اور ملازمین ایمانداری سے ذمہ داریاں سر انجام دیں۔اُنھوں نے مزید کہا کہ جنوبی پنجاب میں ترقیاتی منصوبوں پر کام تیزی سے جاری ہے۔منصوبوں میں کسی قسم کی غفلت برداشت نہیں کی جائے گی۔