امپورٹڈ حکومت نے مہنگائی کے تمام ریکارڈ توڑ دیے،
علامہ باقر عباس زیدی
باغی ٹی وی کی رپورٹ کے مطابق پیٹرولیم مصنوعات کی قیمتوں میں اضافے عوام کا معاشی قتل ہے۔علامہ باقر عباس زیدی کا کہنا تھا کہ پٹرولیم مصنوعات کی قیمتوں میں مزید اضافہ عوام کے لیے بہتر نہیں ہے۔انہوں نے کہا کہ یہ عوام کا معاشی قتل ہے۔
عوام کو درپیش اذیت کا خاتمہ محض زبانی دعووں سے ممکن نہیں۔رہنما ایم ڈبلیو ایم کا کہنا تھا انہوں نے مزید کہا کہ امپورٹڈ حکومت نے مہنگائی کے تمام یکارڈ توڑ دیئے۔رہنما ایم ڈبلیو ایم نے اس حوالے سے کہا کہ سیاسی جماعتوں کا ہدف عوام کے حقوق کا تحفظ نہیں بلکہ سابق حکومت کو نشانہ بنانا ہے۔
حکومت پیٹرولیم مصنوعات کی قیمتوں اضافہ واپس لے۔رہنما ایم ڈبلیو ایم نے حکومت کو فوری ایسا کرنے کو کہا
مزید یہ کہ کراچی مجلس وحدت مسلمین سندھ کے صوبائی سیکرٹری جنرل علامہ باقر عباس زیدی نے پیٹرولیم مصنوعات کی قیمتوں میں غیر معمولی اضافے اور ہوشربا مہنگائی کو عوام کا معاشی قتل قرار دیا ہے۔
انہوں نے کہا ہے کہ اقتدار میں آنے سے قبل معاشی انقلاب کے بلند و بانگ دعوے کرنے والی امپورٹڈ حکومت کی صلاحیتیں ایک ماہ کے اندر ہی سب پر واضح ہو چکی ہیں۔جو حکومت اپنے عوام کو ریلیف دینے کی بجائے ان کے معاشی استحصال کو ملکی ترقی کا زینہ قرار دے اس کی اہلیت پر سوائے افسوس کے اور کیا کیا جا سکتا ہے۔
انہوں نے مزید کہا کہ حکومت نے ملک کے انتظامی معاملات کی بجائے انتقامی معاملات پر توجہ مرکوز کر رکھی ہے۔آج ملک کی بڑی سیاسی جماعتوں کا ہدف عوام کے حقوق کے تحفظ کے لیے آواز بلند کرنے کی بجائے سابق دور حکومت کے اقدامات کو نشانہ بنانا ہے۔عوام کو درپیش اذیت کا خاتمہ محض زبانی دعووں سے ممکن نہیں۔غربت سے چھٹکارا حاصل کرنے کے لیے خود کشی کا بڑھتے ہوئے رجحان کے ذمہ دار وہ حکمران ہیں جنہیں اپنی شاہ خرچیوں سے فرصت نہیں۔ اگر اشیائے خورد ونوش کی قیمتوں پر قابو پا کر انہیں معمول پر نہ لایا گیا تو پھر عوام کو اپنے حقوق کے لیے سڑکوں پر نکلنے سیکوئی نہیں روک سکے گا۔
انہوں نے کہا کہ حکومت معاشی اصلاحات کے ذریعے مہنگائی کو کنٹرول کرے اور عوام کو ریلیف دیا جائے۔اشرافیہ کو پیٹرول کی مد میں جو مراعاتدی جارہی ہیں ان کافوری طور پر خاتمہ کیا جائے۔
