بستی ملوک : تشدد کیس کا مرکزی ملزم ساتھیوں سمیت گرفتار

بستی ملوک (نمائندہ باغی ٹی وی) میں ناجائز تعلقات کے شبہ میں نوجوان پر ڈنڈوں ، سوٹوں سے بہیمانہ تشدد، پولیس نے سپشل برانچ انٹیلیجنس ونگ کی نشاندھی پر سات ملزمان گرفتار کرلیئے مزید گرفتاریوں کے لیے چھاپے مارے جارہے ہیں

افسوسناک واقعہ بستی ملوک کے علاقے میں پیش آیا ہے کہ جہاں عبدالشکور نامی شخص نے اپنے درجنوں ساتھیوں کیساتھ ملکر محمد رمضان بعمر 16/17 کو بہیمانہ تشدد کا نشانہ بنایا ہے،ایف آئی آر کے متن سے تشدد کی وجہ یہ معلوم ہوئی ہے کہ عبدالشکور کو شبہ تھا کہ رمضان کے اسکی بیٹی کیساتھ ناجائز تعلقات ہیں جس پر اس نے اپنے دس سے زائد ساتھیوں کیساتھ ملکر رمضان کو سرعام تشدد کا نشانہ بنایا۔
ذرائع کے مطابق یہ واقعہ تقریبا ایک ماہ قبل کا ہے پر کوئی کاروائی عمل نا لائی گئی تاہم سپشل برانچ انٹیلیجنس ونگ کی جانب سے واقعہ کی ویڈیوز اور مکمل ثبوت فراہم کیے جانے کے بعد مقدمہ درج کیا گیا ، ذرائع کے مطابق پولیس ملزمان کے خلاف مقدمہ درج نہیں کررہی تھی

لیکن سپیشل برانچ انٹیلیجنس ونگ کے فلیڈ افسران کی جانب سے ملزمان کے خلاف تمام ریکارڈ اکٹھا کیا گیا اور پولیس تک پہنچایا گیا جس پر مقدمہ درج کیا گیا۔ ترجمان پولیس فیاض احمد کے مطابق واقعہ میں ملوث مرکزی ملزم سمیت سات ملزمان کو گرفتار کرلیا گیا جبکہ باقی ملزمان کی گرفتاری کیلیئے چھاپے مارے جارہے ہیں جس میں سپشل برانچ انٹیلیجنس ونگ کی مدد بھی لی جارہی ہے، ترجمان نے بتایا کہ واقعہ کی اطلاع ملتے ہی فورا مقدمہ درج کیا گیا ہے۔