امریکا کے قومی سلامتی کے مشیر جیک سلیون کورونا کا شکار ہو گئے-
باغی ٹی وی : امریکی میڈیا کے مطابق امریکی قومی سلامتی کے مشیرکے ترجمان کا کہنا ہےکہ جیک سلیون ایک ہفتہ قبل امریکی صدر جوبائیڈن کے ہمراہ 7 ترقی یافتہ معیشتوں کے اجلاس میں شریک تھے تاہم اس دوران جیک سلیون کا بائیڈن سے کوئی قریبی رابطہ نہیں رہا اور نہ ہی اس دوران ان میں کوئی علامت ظاہر ہوئی تھی یہ جیک سلیون کا پہلا کورونا انفیکشن ہے۔
امریکی وزیر خارجہ کا کورونا ٹیسٹ مثبت آگیا
وائٹ ہاؤس کی جانب سے جاری بیان کے مطابق سلیون نے گزشتہ روز سینیگال کی وزیر خارجہ سے وائٹ ہاؤس میں ملاقات کی تھی جب کہ اس سے قبل انھوں نے لکسمبرگ میں چین کے اعلیٰ سفارت کار سے ساڑھے 4 گھنٹے ذاتی طور پر بھی ملاقات کی تھی۔
کورونا وائرس: وفاقی دارالحکومت میں بوسٹر ڈوز لگانے کی خصوصی مہم آج بھی جاری
واضح رہے کہ قبل ازیں امریکی وزیر خارجہ انٹونی بلنکن کورونا وائرس کا شکار ہوگئے تھے امریکی محکمہ خارجہ کے ترجمان نیڈ پرائس نے بتایا تھا کہ وزیرخارجہ انٹونی بلنکن میں کورونا کی معمولی علامات ہیں انٹونی بلنکن نے مکمل ویکسین کے ساتھ بوسٹر شاٹس بھی لگوائے تھے نیڈ پرائس نے بتایا تھا کہ انٹونی بلنکن قرنطینہ میں ہیں اور گھر سے ہی کام سر انجام دیں گے-
نیٹو سربراہ کورونا وائرس کا شکار ہوگئے
مغربی دفاعی اتحاد نیٹو کے سربراہ اسٹولٹن برگ کورونا وائرس کا شکار ہوگئے اسٹولٹن برگ کے دفتر کی جانب سے جاری بیان میں کہا گیا تھاکہ نیٹو سربراہ مکمل ویکسینیشن کرواچکے ہیں، ان کا کورونا ٹیسٹ کا نتیجہ مثبت آیا ہےتاہم اسٹولٹن برگ میں کورونا کی معمولی علامات ہیں اور وہ ٹھیک ہیں۔