پی ٹی آئی فنڈنگ کیس، الیکشن کمیشن نے فیصلہ محفوظ کر لیا
الیکشن کمیشن میں پی ٹی آئی ممنوعہ فنڈنگ کیس کی سماعت ہوئی
الیکشن کمیشن نے پی ٹی آئی ممنوعہ فارن فنڈنگ کیس کا فیصلہ محفوظ کرلیا چیف الیکشن کمشنر کی سربراہی میں پی ٹی آئی کے ممنوعہ فارن فنڈنگ کیس کی سماعت ہوئی ،اکبر ایس بابر کے فنانشل ایکسپرٹ کمیشن میں پیش ہوئے،اور کہا کہ ایک گھنٹےمیں بات مکمل کرلوں گا ،فنانشل ایکسپرٹ نے کہا کہ اسکروٹنی کمیٹی کو ڈونرز کی نامکمل تفصیلات فراہم کی گئیں ،13 ممالک سے فنڈنگ ہوئی لیکن اسکروٹنی کمیٹی کو نہیں بتایا گیا ،2013 کے ڈونرز کی تفصیلات جمع نہیں کرائی گئی،پی ٹی آئی وکیل نے کہا کہ ہم نے کچھ دن پہلے ڈونرز کی فہرست جمع کرا دی ہے،فنانشل ایکسپرٹ نے کہا کہ فنڈنگ کے لیے بیرون ملک بنائی گئی کمپنیوں کی تفصیلات نہیں دیں ،اسٹیٹ بینک سے 11 اکاونٹس کی تفصیلات منگوائی جائیں
اکبر ایس بابر نے کہا کہ پہلی بارکوئی سیاسی جماعت الیکشن کمیشن میں فنڈنگ کی تفصیلات دے رہی ہے، ہرسیاسی جماعت کو الیکشن کمیشن کے سامنے جوابدہ ہونا چاہیے چیف الیکشن کمشنر نے کہا کہ دونوں طرف کی سیاسی جماعتوں کا شکریہ ادا کرتے ہیں، پاکستان تحریک انصاف کا کیس فائنل ہوا ہے چاہتے ہیں دوسری سیاسی جماعتوں کے کیسزکا بھی اختتام ہو، ووٹر کا اعتماد بحال ہو، ملک کو جمہوری طور پر مضبوط کرنا ہے فریقین کا شکریہ ادا کرنا چاہتا ہوں ، کیس میں ماہر قانون دان پیش ہوئے،ہمیں کسی قسم کی پریشانی نہیں کہ باہر کون کیا کہہ رہا ہے ،انصاف کے مطابق اس کیس کا فیصلہ ہوگا
بعد ازاں الیکشن کمیشن نے پی ٹی آئی ممنوعہ فارن فنڈنگ کیس کا فیصلہ محفوظ کرلیا چیف الیکشن کمشنر کی جانب سے کیس کے فیصلے کے لیے کوئی حتمی وقت نہیں دیا گیا
الیکشن کمیشن کی جانب سے ممنوعہ فنڈنگ کیس کا فیصلہ محفوظ ہونے کے بعد درخواست گزار اکبر ایس بابر نے میڈیا سے بات چیت کرتے ہوئے کہا کہ فارن فنڈنگ کیس کا فیصلہ محفوظ دیکھنا نصیب ہوا، آج آخری شنوائی تھی اور فیصلہ محفوظ ہوا،8سال میں 100 سے زائد پیشیاں ہوئیں، فارن فنڈنگ کا پہلا کیس 14 نومبر 2014 کو شروع ہوا،الیکشن کمیشن نے آج فیصلہ محفوظ کرلیا،اسکروٹنی کمیٹی کے سامنے 96 سیشنز ہوئے،الیکشن کمیشن کے سامنے 96 سے زائد دفعہ پیش ہوئے امید کرتے ہیں جلد از جلد کیس کا فیصلہ ہوگا،
سینئر صحافی و اینکر سلیم صافی نے ممنوعہ فنڈنگ کیس کا فیصلہ محفوظ ہونے پر سماجی رابطے کی ویب سائٹ ٹویٹر پر ٹویٹ کرتے ہوئے کہا کہ جب ہم جوان تھے توپارٹی فنڈنگ کیس کی سماعت شروع ہوئی۔ ہم بوڑھے ہوگئے لیکن سماعت چلتی رہی۔ یہ فیصلہ عمران خان کے لئے پولیٹیکل مینیجمنٹ کرانے،آر ٹی ایس فیل کرانےاور ٹھپے لگوانے والی اسٹیبلشمنٹ نہیں کرنے دے رہی تھی۔ فیصلہ محفوظ توہوگیا لیکن اب دعا کریں کہ ہماری زندگی میں سنایا بھی جائے۔
جب ہم جوان تھےتوپارٹی فنڈنگ کیس کی سماعت شروع ہوئی۔ ہم بوڑھے ہوگئےلیکن سماعت چلتی رہی۔ یہ فیصلہ عمران خان کےلئےپولیٹیکل مینیجمنٹ کرانے،آر ٹی ایس فیل کرانےاور ٹھپے لگوانے والی اسٹیبلشمنٹ نہیں کرنےدے رہی تھی۔فیصلہ محفوظ توہوگیا لیکن اب دعاکریں کہ ہماری زندگی میں سنایا بھی جائے۔ https://t.co/MPyhAIVHbO
— Saleem Safi (@SaleemKhanSafi) June 21, 2022
تحریک انصاف کے رہنما فرح حبیب کا کہنا ہے کہ الیکشن کمیشن میں پی ٹی آئی ممنوعہ فنڈنگ کیس کافیصلہ محفوظ ہوگیا ممنوعہ فنڈنگ کیس کی سماعت کا سلسلہ ختم ہوگیا پی ٹی آئی نے تمام سماعتوں پر تفصیل پیش کی اوراسکروٹنی ہوئی ہمارے پاس سارا ریکارڈ ہے، بینکنگ کے ذریعے پیسہ ٹرانسفر ہوا ،الیکشن کمیشن کا کردار واضح ہے، الیکشن کمیشن سماعت مکمل کر چکا،عدالتوں کے فیصلوں پر عمل درآمد کروایا جائے،اسکروٹنی کی رپورٹ منگوا کر فیصلہ ہونا چاہیے، ممنوعہ فنڈنگ پر کسی سیاسی جماعت پر پابندی نہیں لگائی جاسکتی،اب الیکشن کمیشن تمام سیاسی جماعتوں کا فیصلہ ایک ساتھ کرے پی ٹی آئی کا کیس تو سنا گیا، باقی جماعتوں کا کیس کیوں نہیں سنا گیا، دباؤ نظر آرہا ہے، سپریم کورٹ اور ہائی کورٹ کے فیصلے موجود ہیں، ہمارے تحفظات پہلے سے ہیں،آئینی ادارے کی ساکھ کے لیے اہم ہے کہ قانون کے مطابق فیصلے آنے چاہیئں ، جھکاؤ پرنہیں،ڈالر نے پاکستان کی تاریخ کا نیا ریکارڈ قائم کردیا ،انٹر بینک میں ڈالر 213 روپے 20 پیسے کا ہوگیا ،امپورٹڈ حکومت نے تباہی مچا دی ہے، صنعتوں کا قتل عام ہورہا ہے، فیکٹریاں بند ہونے سے مزدوربے روزگارہورہا ہے، مہنگائی کا طوفان قابو سے باہر ہے،
فارن فنڈنگ کیس کا فیصلہ 30 روزمیں کرنے کا حکم اسلام آباد ہائیکورٹ میں چیلنج
فارن فنڈنگ کیس، فیصلہ 30 روز میں کرنے کے فیصلے کیخلاف اپیل سماعت کیلئے مقرر
فارن فنڈنگ کیس میں بھی عمران خان کو اب سازش نظر آ گئی، اکبر ایس بابر
عمران خان اگلے سال الیکشن کا انتظار کریں،وفاقی وزیر اطلاعات
فارن فنڈنگ کیس،اسکروٹنی کمیٹی رپورٹ میں معلومات قابل تصدیق نہیں ،وکیل
فارن فنڈنگ کیس،باہر سے پیسہ آیا ہے لیکن وہ ممنوعہ ذرائع سے نہیں آیا،پی ٹی آئی وکیل
ممنوعہ فارن فنڈنگ کیس نومبر 2014 سے الیکشن کمیشن میں زیر سماعت ہے، اسلام آباد ہائیکورٹ نے فیصلہ دیا تھا کہ ایک ماہ میں فارن فنڈنگ کیس کا فیصلہ سنایا جائے تا ہم پی ٹی آئی دوبارہ عدالت پہنچی گئی اوراس فیصلے کو چیلنج کر دیا جس پر عدالت نے اسلام آباد ہائیکورٹ کے فیصلے کو معطل کر دیا، اور پی ٹی آئی کو اسلام آباد ہائیکورٹ سے ریلیف ملا
