وزیراعظم عمران خان سے وفاقی وزیر قانون فروغ نسیم کی ملاقات ہوئی ہے،
باغی ٹی وی کی رپورٹ کے مطابق اس موقع پر وزیرقانون نےوزیراعظم کومفادعامہ میں بنائے گئے نئے قوانین اوران کے نفاذ سےآگاہ کیا، ملاقات میں بیرسٹرملیکہ بخاری،سیکرٹری قانون ارشدفاروق، وزارت کے دیگر افسران نے شرکت کی،
فروغ نسیم نےوزیراعظم کودیگرمختلف قوانین پرپیشرفت سےبھی آگاہ کیا، وزیر اعظم عمران خان نے کہا ہے کہ عوام کی سستےانصاف تک رسائی کویقینی بناناحکومت کی اولین ترجیح ہے، اس دوران وزیراعظم نےمفادعامہ میں قانون سازی کےضمن میں وزیرقانون کی کاوشوں کوسراہا، انہوں نے کہاکہ فوری اورآسان انصاف ہی عوام کی زندگیوں میں واضح تبدیلی کاضامن ہے،
