راولپنڈی:پاک فوج کے سربراہ اہم دورے پرقطرپہنچ گئے:قطری قیادت سےملاقاتیں ،اطلاعات کے مطابق پاک فوج کے سربراہ آرمی چیف جنرل قمر جاوید باجوہ اس وقت قطر کے دورے پرہیں اور اپنے قطر کے سرکاری دورے پر قطر کے امیر عزت مآب شیخ تمیم بن حمد الثانی اور نائب وزیراعظم و وزیر اعلیٰ ڈاکٹر خالد بن محمد العطیہ سے ملاقات کی۔
آئی ایس پی آر کے مطابق ملاقاتوں میں باہمی دلچسپی کے امور، دفاعی اور سیکیورٹی تعاون اور علاقائی ماحول پر تبادلہ خیال کیا گیا۔ملاقات کےدوران آرمی چیف جنرل قمرجاوید باجوہ نے کہا کہ دونوں ممالک دوستانہ تعلقات اور بھائی چارے کے گہرے جذبے کی عظیم تاریخ رکھتے ہیں، جو ایک پائیدار شراکت داری میں تبدیل ہو رہے ہیں۔ دونوں اطراف نے تمام شعبوں میں تعاون کو مزید بڑھانے کی اہمیت پر زور دیا۔
پاک فوج کے سربراہ اور قطری عمائدین ومعززین نے خطے میں امن و استحکام کے لیے پاکستان کی مسلسل کوششوں کو بھی سراہا اور دونوں برادر ممالک کے درمیان بہتر تعلقات کے لیے کام جاری رکھنے کا عہد کیا۔
