وزیراعظم شہباز شریف کی لینڈسلائیڈنگ سے تورمک کے مقام پر بند شاہراہ فوری کھولنے کی ہدایت کرتے ہوئے فرنٹئیر ورکس آرگنائزیشن (ایف ڈبلیو او) کو ہنگامی اقدامات کرنے کا حکم دے دیا ہے۔
وزیراعظم کی ڈی جی ایف ڈبلیو او کو ہدایت کی کہ: اضافی مشینری اور افرادی قوت استعمال کرکے جلد از جلد راستہ کھولا جانا چاہئے۔
علاوہ ازیں : وزیراعظم شہباز شریف کی ملکی اورغیرملکی سیاحوں کی دیکھ بھال اور اشیائے ضروریہ کی فراہمی یقینی بنانے کے لئے فوری انتظامات کرنے کی ہدایت بھی دی ہے۔
شدید بارشوں اور پہاڑی تودے گرنے سے گزشتہ دو ہفتوں کے دوران 6 دن شاہراہ بند تھی، جگلوٹ سکردو روڈ گلگت بلتستان کو تیل اور کھانے پینے کی اشیاءکی فراہمی اور آمدورفت کا واحد زمینی راستہ ہے ۔
سوزیر اعظم نے ہدایت کی کہ: سیاحوں کی آمد سے گلگت بلتستان میں اشیائے ضروریہ کے استعمال میں اضافہ ہوجاتا ہے لہذااشیاءکی قلت نہ ہونے دی جائے۔
واضح رہے کہ: گلگت بلتستان کے ہوٹلز انتظامیہ اور سیاحت کے شعبے سے وابستہ افراد نے وزیراعظم شہباز شریف سے شاہراہ کی طویل بندش پر نوٹس لینے کا مطالبہ کیا تھا ۔
جس پر وزیراعظم نے علاقے کے کاروباری حضرات، آبادی اور سیاحوں کو درپیش مشکلات فوری دور کرنے کی انتظامیہ کو ہدایات جاری کردیں ہیں۔
وزیر اعظم نے انتظامیہ کو ہدایات دیتے ہوئے کہنا تھا کہ: عیدالالضحیٰ کی وجہ سے لوگوں نے اپنے گھروں کو بھی لوٹنا ہے لہذا اس لئے کام کی رفتار تیز کی جائے۔
