وزیراعظم عمران خان نے کہا ہے کہ بھارتی میڈیا کا پروپیگنڈہ سن رہے ہیں، بھارت جھوٹا آپریشن کر سکتا ہے
باغی ٹی وی کی رپورٹ کے مطابق سماجی رابطے کی ویب سائٹ ٹویٹر پر ٹویٹ کرتے ہوئے وزیراعظم عمران خان نے کہا کہ دنیا کو بتانا چاہتا ہوں بھارت جھوٹا آپریشن کرسکتا ہے،ہم بھارتی میڈیا کا پروپیگنڈا سن رہے ہیں، بھارتی میڈیا کا دعویٰ ہے کہ کچھ دہشتگرد افغانستان سے مقبوضہ کشمیر میں داخل ہو کر سرگرمیاں کر رہے ہیں،ایسے دعوے مقبوضہ کشمیر میں جاری نسل کشی سے توجہ ہٹانے کے لیے کیےجا رہے ہیں،دنیا کو خبردارکرناچاہتا ہوں بھارت جھوٹاآپریشن کرسکتا ہے
وزیراعظم عمران خان کا مزید کہنا ہے کہ بھارت کی جانب سےمقبوضہ کشمیر میں نسل کشی کی جا رہی ہے،ان دعوؤں کا مقصد بھارت میں نسل کشی سے توجہ ہٹانا ہے
We are hearing Indian media claims that some terrorists from Afghanistan have entered IOJK for terrorist activities, while others have entered India's southern regions. These claims are predictable to divert attention from India's ethnic cleansing & genocide agenda in IOJK.
— Imran Khan (@ImranKhanPTI) August 23, 2019
بھارت سرکار نے پاکستان کی کامیاب سفارتکاری کے بعد پاکستان پر ماضی کی طرح الزامات عائد کرنا شروع کر دئیے ہیں، بھارتی میڈیا کے مطابق بھارت سرکار نے ایک الرٹ جاری کیا ہے جس میں کہا گیا ہے کہ پاکستان 200 کے قریب افغانستان میں لڑنے والے طالبان کو کشمیر بھیج رہا ہے ،بھارت نے یہ الزام عائد کیا کہ افغانی طالبان کو لائن آف کنٹرول کے قریب لانچنگ کے لئے لایا گیا ہے پاکستان ان کو مقبوضہ کشمیر میں لانچ کرے گا جو نہ صرف جموں کشمیر بلکہ دہلی میں بھی بھارت کے لئے خطرہ ثابت ہو سکتے ہیں،.
