لاہور : لاہور ، لاہور ہی اے ، لوگوں کو لاہور سے محبت نے حقیقت سے بہت دور کردیا ، حتی کہ اب تو لاہوریوں کو کھانے ، پینے اور کھلانے کی اکثروبیشر چیزیں ہی دونمبر مل رہی ہیں . زندہ رہنے کے لیے کھانے والے اپنے زندگیوں کو خطرے میں ڈال رہے ہیں ، پنجاب فوڈ اتھارٹی کی ٹیموں نے ٹاؤن شپ میں جعلی دودھ تیا ر کرنے والا بڑا نیٹ ورک پکڑ لیا۔
تفصیلات کے مطابق پنجاب فوڈ اتھارٹی کی ٹیموں نے ڈی جی فوڈ اتھارٹی کی سربراہی میں خفیہ اطلاع پر کارروائی کرتے ہوئے 1 ہزار کلو ملک پاؤڈر،450 کلو میدہ،125 کلو گلوکوز اور 25 کلو سٹرک ایسڈ بھی برآمد کرلیا گیا، ڈی جی فوڈ اتھارٹی کا کہنا ہے کہ ملک پاؤڈر میں میدے اور گلوکوز کی ملاوٹ کر کے جعلی ملک پاؤڈر تیار کیا جا رہا تھا، زائد المیعاد سکمڈ ملک اور پاؤڈر کو دوبارہ معروف برانڈز کی پیکنگ میں سپلائی کیا جا تا تھا۔
فوڈ اتھارٹی ذرائع کے مطابق ویجیلینس سیل نے ریکی کر کے رہائشی گھر میں خفیہ لگائے گئے یونٹ کا پتہ لگایا، جعل سازی کا مکروہ دھندہ کرنے والے یونٹ مالک کے خلاف مقدمہ درج کرا دیا گیا۔ دوسری طرف شہریوں کو کہنا ہے کہ فود اتھارٹی آئے روز ایسے نیٹ ورک اور اس دھندے میں ملوث افراد کو گرفتار کرتی ہے لیکن اس کے باوجود یہ دھندہ عروج پر ہے ،