عالمی ای پے منٹ کمپنی پے یونیر نے فری لانسنگ ممالک کی نئی رینکنگ جاری کر دی ہے۔ رینکنگ کے مطابق پاکستان چوتھے نمبر جبکہ بھارت کا ساتواں نمبر ہے۔
فہرست میں امریکہ پہلے نمبر پر جبکہ برطانیہ اور برازیل بالترتیب دوسرے اور تیسرے نمبر پر ہیں۔ دیگر ممالک میں پاکستان چوتھے، یوکرائن پانچویں، فلپائن چھٹے، بھارت ساتویں، بنگلہ دیش آٹھویں، روس نویں اور سربیا دسویں نمبر پر ہے۔
عالمی ادارے کی رپورٹ کے مطابق پاکستان میں گزشتہ برس کے مقابلے فری لانسنگ میں 47فیصد اضافہ ہوا۔
یاد رہے کہ پاکستان میں سرکاری شعبہ فری لانسنگ کے فروغ میں کلیدی کردار ادا کر رہا ہے۔
