عمران کی اولاد امریکن، برطانوی پارٹنر، بیوی سے جبکہ ہماری نسل کو غلامی کے نام پر وطن مخالف بنایا ہوا

سابق وزیر اعظم عمران خان کی اپنی اولاد امریکن، برطانوی پارٹنر، بیوی سے ہے جبکہ ہماری پوری ایک نسل کو غلامی کے نام پر پاکستان مخالف بنایا ہوا ہے۔

سینئر اینکر احمد قریشی کا کہنا ہے کہ چیئرمین تحریک انصاف عمران خان خود وہ واحد سابق  پاکستانی وزیر اعظم ہیں جن کی اولاد امریکی، برطانوی پارٹنر اور بیوی سے ہیں جبکہ ہماری پوری ایک نسل کو خودداری اور غلامی کے نام پر پاکستان کے خلاف کر دیا ہے.

انہوں نے مزید کہا ہے کہ: ذاتی مسائل ایشو نہیں (سابق وزیر اعظم کا گھرانہ قابل احترام ہے) لیکن منافقت اور شدت پسندی کی نشاندہی اشد ضروری ہے. ان کا کہنا تھا کہ: یہ وہی ہمارا روایتی الجھا ہوا انسان ہے جو بولتا انگریزی میں ہے، تعریف افغان اور ایرانی شدت پسندوں اور القاعدہ کی کرتا ہے۔

خود وہ جناب واحد پاکستانی وزیر اعظم ہیں جن کی اولاد امریکی اور برطانوی پارٹنر/بیوی سے ہیں لیکن مغرب کی غلامی کا طعنہ پاکستان کو دیتے ہیں اور نئی نسل کے نظروں میں اپنے ملک 🇵🇰 کو نیچے دکھایا ہوا ہے. ذاتی مسائل ایشو نہیں لیکن منافقت اور شدت پسندی کی نشاندہی ضروری ہے. pic.twitter.com/4pvHtAxyQ2

— Ahmed Quraishi (@_AhmedQuraishi) August 25, 2022

احمد قریشی کے مطابق: مرنے کی خواہش کا ذکر ہمیشہ مدینہ کی سرزمین پر کرتا ہے لیکن وہاں شفٹ نہیں ہوتا جبکہ بیوی اعلی برطانوی خاندان کی ہونی چاہئے جو قابل احترام ہیں، اور مغرب کی مثالیں ان کا حوالہ ہیں۔
احمد قریشی کہتے ہیں کہ: مکان محل ہونا چاہئے لیکن مثالیں ریاست مدینہ اور پاکستانیوں کو خودداری کا درس دیتا ہے جبکہ پاکستان کو غلام ہونے کے طعنے دیتے ہے۔

قریشی نے کہا: میں ہمیشہ سوچتا ہوں کہ پاکستانی سوچ کے کناروں پر جو شدت پسندی ہم سالوں سے دور سے دیکھ رہے تھے جسے زیادہ تر پاکستانیوں نے مسترد کیا ہوا تھا، ایک سیاستدان اور جماعت جو زبردستی اقتدار میں لائی گئی تھی نے اب اس شدت پسندی کو نئی نسل کیلئے نئی آڈیالوجی بنا ڈالا اور ہزاروں پاکستانیوں کو گمراہ کر دیا ہے۔

اس بیان پر تحریک انصاف کے کارکن تنویر نے احمد قریشی پر الزام عائد کیا کہ: سوچ کی پستی کا یہ حال ہے کہ آپ کو برابری پر اچھے تعلقات اور غلامی میں فرق نظر نہیں آ رہا ہے.

تاہم عمار مسعود کی رائے ہے کہ: عمران خان چونکہ ایک ’’لاڈلے سیاستدان‘‘ ہیں لہٰذا انکو اس سماج میں سات خون معاف ہیں۔ وہ چاہے آئین کو پیروں تلے روند دیں، چاہے قانون کی دھجیاں بکھیر دیں، چاہے عدالتوں کا مذاق اڑائیں، چاہے الیکشن کمیشن کی توہین کریں، چاہے اسلام آباد کو نذر آتش کر دیں ان کو کوئی نہیں روکتا۔ مسئلہ ان سیاستدانوں کا ہےجو اس دھرتی کے باسی ہیں اور دہائیوں سے معتوب کہلائے گئے ہیں۔

عمار کہتے ہیں کہ: میری دعا ہے کہ عمران خان کے بچے ان تمام آفتوں سے محفوظ رہیں لیکن خان صاحب کو سیاستدانوں کی اولادوں پر کیچڑ اچھالنے سے پہلے یہ جان لینا چاہئے کہ جتنی قربانیاں اس ملک کے لیے اس ملک کے سیاستدانوں کے بچوں نے دی ہیں، اس کی مثال کسی اور خطے میں نہیں ملتی۔ یہ انہی قربانیوں کا اعجاز ہے کہ آج بھی اس ملک میں جمہوریت نامی نظام سانسیں لے رہا ہے۔