ملک بھر میں کورونا کے مزید 6 مریض انتقال کرگئے۔ گزشتہ 24 گھنٹوں میں کورونا کے 433 مثبت کیسز رپورٹ ہوئے۔
قومی ادارہ صحت (این آئی ایچ ) کے مطابق گزشتہ 24 گھنٹوں کے دوران کورونا کےمزید 6 مریض انتقال کر گئے جبکہ122 مریضوں کی حالت تشویشناک ہے۔گزشتہ 24 گھنٹوں میں کورونا کے16 ہزار075 ٹیسٹ کئےگئے جس میں 433 افراد کا کورونا ٹیسٹ مثبت آیا۔
COVID-19 Statistics 26 August 2022
Total Tests in Last 24 Hours: 16,075
Positive Cases: 433
Positivity %: 2.69%
Deaths: 06
Patients on Critical Care: 122— NIH Pakistan (@NIH_Pakistan) August 26, 2022
این آئی ایچ کا مزید کہنا ہے کہ کورونا کے 122 مریضوں کی حالت نازک ہے۔ گزشتہ 24 گھنٹوں کے دوران ملک میں کورونا مثبت کیسز کی شرح 2.69 ریکارڈ کی گئی۔
واضح رہے کہ گزشتہ روز ملک بھر میں کورونا وائرس سے 4 مریض انتقال کرگئے جبکہ 24 گھنٹوں میں کورونا کے 313 مثبت کیسز رپورٹ ہوئے تھے.
پاکستان میں کورونا وبا کے کیسز میں ایک بار پھر اضافہ ہونے کے سبب ہوائی سفر، پبلک ٹرانسپورٹ میں ماسک لگانے کی پابندی دوبارہ عائد کی گئی ہے. پاکستان میں گزشتہ چند ماہ میں کووڈ کیسز کی شرح انتہائی کم رہی، جس کی وجہ سے کورونا وبا کے دوران لگائی گئی تمام پابندیاں بھی ہٹا دی گئی تھیں
ملک میں ایک بار پھر کورونا کیسز کی شرح میں اضافے کے بعد قومی ادارۂ صحت (این آئی ایچ) نے شہریوں کو ماسک کا استعمال کرنے کی ہدایت کی ہے. قومی ادارہ صحت کے مطابق ملک میں ویکسینیشن کے اہل عوام کو کووڈ 19 کے خلاف مکمل ویکسین بھی لگا دی گئی ہے ۔ جبکہ اس بارے میں لوگوں میں آگاہی بھی پھیلائی جارہی کہ احتیاطی تدابیر اپنا کر کورونا وائرس جیسے موذی مرض سے محفوظ رہیں.
نیشنل کمانڈ اینڈ آپریشنز کے مطابق 2020ء میں اس وبائی مرض کے پھیلاؤ کے بعد سے رواں سال مارچ میں کیسز کی تعداد کم ترین سطح پر تھی لیکن اب ان کیسز میں اضافہ دیکھنے میں آرہا ہے۔
یاد رہے کہ پاکستان میں کورونا وائرس کا پہلا کیس 26 فروری 2020 کو ملک کے سب سے بڑے شہر کراچی میں سامنے آیا تھا۔
