کراچی:محکمہ موسمیات نےپاکستان میں شدید بارشوں کے بعد شدید ترین سردی کی پیشگوئی کردی ،اطلاعات کے مطابق ماہرین موسمیات نے کچھ ایسی خبریں وائرل کی ہیں کہ جن کوجان کر ہرجان پریشان سی دکھائی دیتی ہے، اس سلسلے میں محکمہ موسمیات کا کہنا ہے کہ موسمیاتی تبدیلیوں کے زیر اثر رواں سال ہر موسم شدید سے شدید تر ہو جائے گا، سردی بھی اسی شدت سے پڑے گی۔
700 سیاح اب بھی کالام میں پھنسے ہوئے ہیں،حکام کی وزیراعظم کو دورہ کے پی پر بریفنگ
محکمہ موسمیات نے خبردار کیا ہے کہ بلوچستان اور کراچی میں ہونے والی شدید بارشوں کےاسباب اور اس کتےبعد اثرات کے حوالے سے اہم گزارشات پیش کرنے کے ساتھ ساتھ شدید گرمی، موسلا دھار بارشوں اور تباہ کن سیلاب سے متاثر پاکستانیوں کوموسم بدلنے کے بعد بھی اچھی خبریں نہیں ملے گی، کیوں کہ محکمہ موسمیات نے اب ملک بھر میں شدید ترین سردی کی بھی پیشگوئی کردی ہے۔
یہ بھی معلوم ہوا ہے کہ پاکستان میں آنے والی سردی کے حوالے سے محکمہ موسمیات نے رواں سال موسمیاتی تبدیلیوں کے باعث خشک بارشوں میں اضافے کے ساتھ ساتھ ہیٹ ویوز، برفانی جھیلوں کے پھٹنے کے واقعات میں اضافے، سیلاب اور اس کے بعد کولڈ ویوز کا خطرہ بھی ظاہر کیا ہے۔
محکمہ موسميات کے مطابق پاکستان میں موسمياتی تبديلی کے اثرات شروع ہو چکے ہیں، جنہیں نظر انداز نہيں کیا جا سکتا۔ اور موسمیاتی تبدیلیوں کے زیر اثر رواں سال ہر موسم شدید سے شدید تر ہو جائے گا۔محکمہ موسمیات نے خطرے کی گھنٹی بجاتے ہوئے پیش گوئی کی ہے کہ غير معممولی بارشوں کے بعد اب ملک میں موسم سرما کے دوران سردی بھی شدید پڑے گی۔
محکمہ موسمیات نے ایکسٹریم کولڈ ویوز کا خدشہ ظاہر کرتے ہوئے کہا کہ اس سال ہر موسم اپنے معمول سے زيادہ شدت سے آئے گا، گرمی، سردی اور بارشوں کی شدت ميں بھی اضافہ ہوگا، جب کہ برفانی جھيل پھٹنے کے واقعات بھی بڑھ سکتے ہيں۔
ماہرین کہتے ہیں کہ ایسے واقعات اب ہر سال ہوا کریں گے اور ان کی شدت اور تعداد میں بھی اضافہ ہو گا، موسمیاتی تبدیلی اسی کو کہتے ہیں جو پاکستان میں اب شروع ہو چکی ہے۔
