بینکوں اور اے ٹی ایمز کے باہر ڈکیتیاں کرنے والا تین رکنی ڈکیت گینگ گرفتار

بینکوں اور اے ٹی ایمز کے باہر ڈکیتیاں کرنے والا تین رکنی ڈکیت گینگ گرفتار کر لیا گیا

شہر قائد کراچی میں ایس آئی یو سی آئی اے نے کاروائی کی اور بینکوں اور اے ٹی ایمز کے باہر ڈکیتیاں کرنے والا تین رکنی ڈکیت گینگ گرفتار کر لیا،ایس آئی یو نے خواجہ اجمیرنگری سے تین رکنی ڈکیت گینگ گرفتار کر لیا۔ گرفتار ملزمان کے نام عدنان بشیر ولد بشیر احمد . وقار احمد ولد ذولفقار علی ،۔ محمدرفیق ولد محمد شریف ہیں، گرفتار ملزمان سے 03 پسٹلز 30 بور اور ایک عدد موٹر سائیکل نمبری KOA-5312 میکر سپر پاور 70CC برآمد کر لیا گیا ہے،ابتدائی تفتیش میں ملزمان نے اندرون کراچی بنکوں اور ATM سے کیش لیکر نکلنے والے کئی لوگوں کو اسلحہ کے زور پر لوٹتے کا انکشاف کیا ہے۔

ملزمان نے مزید انکشاف کیا کہ انہوں نے خواجہ اجمیر نگری کے علاقہ سے بینک سے رقم لیکر نکلنے والے شخص سے اسلحہ کے زور پر 6 لاکھ روپے چھینے تھے۔ گرفتار ملزمان قبل ازیں بھی متعدد مقدمات میں گرفتار ہوکر جیل جا چکے ہیں۔ ملزمان سے ناجائز اسلحہ کی برآمدگی پر تھانہ ایس آئی یو میں مقدمات درج کر لیے گئے ہیں۔ملزمان سے مزید تفتیش جاری ہے۔

قبل ازیں ضلع ویسٹ پولیس نے مختلف کارروائیوں کے دوران مجموعی طور پر 07 ملزمان کو گرفتار کیا۔ ایس ایس پی ویسٹ ڈاکٹر فرخ رضا کے مطابق گرفتار ملزمان میں 02 ڈکیت/اسٹریٹ کرمنل، 02 اشتہاری و مفرور، 01 منشیات فروش، 02 دیگر جرائم میں ملوث ملزمان شامل ہیں۔ تھانہ منگھوپیر پولیس نے اسٹریٹ کرائم میں ملوث ملزم محمد فرحان ولد محمد روز کو غیر قانونی اسلحہ بمعہ ایمونیشن اور موبائل فون سمیت گرفتار کیا۔ تھانہ گلشن معمار پولیس نے اسٹریٹ کرائم میں ملوث ملزم جمیل خان ولد سردار خان کو غیر قانونی اسلحہ و ایمونیشن سمیت گرفتار کیا۔تھانہ اورنگی پولیس نے دو مختلف مقدمات میں اشتہاری و مفرور ملزمان بنام شیراز ولد قاسم شاہ اور محمد الیاس ولد محمد حسین کو گرفتار کیا۔. ملزم شیراز تھانہ اورنگی کے مقدمہ الزام نمبر 366/2019 بجرم دفعہ 6/9B میں اشتہاری و مطلوب تھا۔. ملزم محمد الیاس تھانہ اورنگی کے مقدمہ الزام نمبر 845/2021 میں مفرور و مطلوب تھا۔

تھانہ گلشن معمار پولیس نے مطلوب منشیات فروش ملزم شاکر اللّٰہ ولد گل رحمٰن کو 01 کلو سے زائد چرس اور فروختگی کی رقم سمیت گرفتار کیا۔تھانہ مومن آباد اور اورنگی پولیس نے چوری و دیگر جرائم میں ملوث ملزمان بنام ابراہیم ولد گل محمد اور رمضان ولد چاند محمد کو گرفتار کیا۔گرفتار ملزمان کے خلاف متعلقہ تھانہ جات میں ضابطے کے تحت مقدمات درج کر لئے گئے ہیں اور تفتیش جاری ہے

50 ہزار میں بچہ فروخت کرنے والی ماں گرفتار

ایم بی اے کی طالبہ کو ہراساں کرنا ساتھی طالب علم کو مہنگا پڑ گیا

چکوال کے علاقہ چوکی بشارت کی حدود میں انسانیت سوز  واقع پیش آیا جس نے انسانیت کو شرما کر رکھ دیا۔