دریائے سندھ میں کوٹری بیراج پر اونچے درجے کا سیلاب

سندھ: دادو سمیت مختلف علاقوں میں سیلابی ریلے کوٹری بیراج پہنچنا شروع ہوگئے۔

باغی ٹی وی : تفصیلات کے مطابق دریائے سندھ میں کوٹری بیراج پر اونچے درجے کا سیلاب ہے، فلڈ کنٹرول روم کے مطابق کوٹری بیراج میں پانی کی سطح میں مسلسل اضافہ ہو رہا ہے،کوٹری بیراج اپ اسٹریم میں پانی کی آمد 6 لاکھ 4 ہزار 147 کیوسک ہے۔

منچھر جھیل میں بند پر مزید دو کٹ لگا دیئے گئے

فلڈ کنٹرول روم کے مطابق بیراج سے ڈاؤن اسٹریم میں پانی کا اخراج 5 لاکھ 84 ہزار 372 کیوسک ہے،کوٹری بیراج میں گزشتہ 24 گھنٹے کےدوران 5 ہزار 100 کیوسک پانی کا اضافہ ہوا منچھرجھیل کا پانی کوٹری بیراج پہنچنےپرپانی کی سطح میں اضافہ ہوگا۔

دوسری جانب منچھرجھیل میں پانی کا دباؤ کم کرنےکےلیے مزید دو مقامات پر کٹ لگا دیئے گئے، کٹ آر ڈی 50 اور آر ڈی 52 پر لگائے گئے سیہون کے قریب منچھر جھیل میں آرڈی 55 پر لگائے گئے شگاف سے پانی نکلنے لگا سیہون شہر اور سعید آباد کے لیے اب بھی خطرہ برقرار ہے۔

ہلال احمرسوسائٹی پاکستان نےابرارالحق کا عطیات جمع کرنےکا دعویٰ مسترد کر دیا

مقامی افراد کا کہنا تھا کہ آر ڈی 55 جھیل کا نشیبی حصہ ہے، آر ڈی 55 پر کٹ لگانے سے جھیل سے پانی کا اخراج تیزی سے ہوگا۔ مقامی افراد کا کہنا تھا کہ شگاف لگانے کی اصل جگہ یہی تھی آرڈی 55 پر شگاف پہلے لگا دیتے تو صورتحال اتنی خراب نہیں ہوتی-

بوبک بند پر دانستر نہر کے گیٹ بھی کمزور ہوگئے ہیں۔ بوبک بند کو نقصان پہنچا تو ایک لاکھ سے زائد آبادی متاثر ہونے کا خدشہ ہےماہرین نے خدشہ ظاہر کیا ہے کہ بند ٹوٹنے سے 300 سے زائد دیہات زیر آب آ سکتے ہیں-

اسلام آباد ،لاہور سمیت ملک کے بالائی علاقوں میں بارش کا امکان

بلوچستان سےآنےوالےریلوں کےباعث جوہی اور میہڑ کےرنگ بندوں پرپانی کا دباؤ برقرار ہے ادھربدین کی پران ندی میں 6 روز بعد دوبارہ شگاف پڑگیا، 30سےزائد ڈوبےدیہات میں پانی کی سطح مزیدبڑھ گئی ہے۔