![](https://baaghitv.com/wp-content/uploads/2022/09/floodsdf.png)
گیلپ پاکستان کے سروے کے مطابق 81 فیصد پاکستانیوں نے ملک میں سیلاب کی وجہ موسمیاتی تبدیلیوں کو قرار دے دیا،اسی فیصد کا کہنا ہے کہ انھوں نے اپنی زندگی میں کبھی ایسے سیلاب کا سامنا نہیں کیا، جب کہ دس میں سے سات پاکستانی حالیہ سیلاب سے ہونے والے مالی نقصانات پر پریشان ہیں۔
باغی ٹی وی : گیلپ پاکستان کی جانب سے عوام کی آرا پر مبنی نیا سروے جاری کیا گیا ہے جس میں تقریباً ایک ہزار افراد نے حصہ لیا۔ یہ سروے یکم ستمبر سے 16 ستمبر کے درمیانی عرصے میں کیا گیا۔
آنجہانی ملکہ الزبتھ دوم کے تابوت پر شاہی تاج توجہ کا مرکز رہا
سروے کے مطابق 80 فیصد عوام نے سیلاب کے متعلق اپنے خیالات کا اظہار کرتے ہوئے کہا کہ رواں سال جیسا سیلاب پہلے کبھی نہیں آیا ہے جبکہ 81 فیصد پاکستانیوں نے ملک میں سیلاب کی وجہ موسمیاتی تبدیلیوں کو قرار دے دیا۔
بھارت کو بڑی سفارتی ناکامی کا سامنا،کینیڈا میں ریفرنڈم آج ہوگا
سروے کے مطابق 70 فیصد پاکستانی سیلاب کے باعث مالی نقصانات اور 58 فیصد کھیتوں اور فصلوں کو پہنچنے والے نقصان پر شدید پریشان نظر آئے جبکہ 51 فیصد مویشیوں کے نقصان پر بات کی 5 فیصد نے بھاری جانی نقصان دیکھا۔ 15 فیصد نے دوسرے نقصانات کے بارے میں بات کی جب ان سے پوچھا گیا کہ کیا نقصانات درختوں کی کٹائی کا نتیجہ ہیں تو 70 فیصد نے اتفاق کیا جبکہ 30 فیصد نے اس سے اختلاف کیا۔