تھوڑی سی توجہ سے صفائی کے مسئلے پر قابو پایا جاسکتا ہے

اپنی ذمہ داری ادار کر کے صفائی ستھرائی کے مسائل پر قابو پایا جاسکتا ہے. ہمارا مزاج ہی یہ بن چکا ہے کہ کاغذ کا ٹکڑا بھی ڈست بن میں پھینکنا گوارا نہیں کرتے، پھر سارا دوش حکومت کو دیتےہیں.

ایک اے ٹی ایم مشین کے اندر رکھے ڈسٹ بن کو بھی استعمال کرنے کی عادت نہیں ہے .اسی طرح کی ایک تصویر سوشل میڈیا پر گردش کر رہی ہے جو ہمارے رویے کو عیاں کر رہی ہے اور اس کے ساتھ یہ کیپشن لکھا تھا "جو قوم اے ٹی ایم مشین روم میں رکھے ڈسٹ بن میں سلپ نہیں پھینک سکتی وہ اپنے شھر کو کیسے صاف رکھ سکتی ہے۔۔اور گالیاں ہم گورنمنٹ کو دیتے ہیں۔۔ہر ذمہ داری گورنمنٹ کی نہیں کچھ ذمہ داری عوام کی بھی ہے،”

اس وقت پاکستان میں اہم مسئلہ جگہ جگہ گندگی کے ڈھیر اور صفائی کا نہ ہونا ہے. پاکستان کے سب سے بڑے شہر کراچی میں کچرا اور کوڑا کرکٹ بہت بڑا مسئلہ ہے اسی طرح ملک کے دیگر علاقوں اور شہروں میں بھی یہی مسئلہ ہے. صفائی کے نہ ہونے میں ہمارا بہت بڑا کردار ہے. اگر پاکستانی عوام میں ہر کوئی فرد صرف اپنی ذمہ داری ادا کرے اور یہ کوشش کرے کہ اس نے کچرا صرف مخصوص جگہ پر ہی رکھنا ہے .تو صفائی کا یہ مسئلہ کافی حد تک حل ہو جائے.