گڈ گورننس ؟ ایک سال میں 5 سیکرٹری تبدیل ، ذمہ دارکون ؟

لاہور : گڈ گوننس یا ناقص حکمت عملی ، پنجاب حکومت کی طرف سے سال میں 5 سیکرٹری تبدیل ہونے سے محکمانہ معاملات بھی درست سمت میں نہ چل سکے ، محکمہ لائیوسٹاک میں انتظامی امور بری طرح متاثرہورہے ہیں‌

تفصیلات کے مطابق حکومت پنجاب کی لائیوسٹاک کی صنعت میں بار بار سیکرٹری تبدیل ہونے سے جہاں محکمانہ امور متاثر ہوئے وہیں لائیوسٹاک کی صنعت کو بھی دھچکا لگا، حکومت نےایک سال میں سیکرٹری نسیم صادق، محمد محمود، احسن وحید، زاہد حسین کو ان کی تقرری کا دورانیہ مکمل ہونے سے قبل ہی مختصرعرصے کے بعد ہی تبدیل کر دیا۔ چندروزقبل نبیل احمداعوان کو سیکرٹری لائیوسٹاک تعینات کیا گیا ہے،

محکمہ لائیو سٹاک کے ذرائع کے مطابق باربارسیکرٹری بدلنے سے محکمہ لائیوسٹاک کے پالیسی معاملات اور جانوروں کی بہتری کے اقدامات متاثر ہو رہے ہیں۔ ملازمین اور افسران بھی سیکرٹری کی بار بارتبدیلی سے پریشان ہیں، جبکہ ویٹرنری ڈاکٹروں اور سٹاف کی بہتری اور ترقی کیلئے بھی کوئی خصوصی پیکیج شروع نہیں کیا گیا۔