تعلیمی اداروں کی سکیورٹی کو چیک کرنے کی ہدایت

سرگودھا (نمائندہ باغی ٹی وی) حکومت پنجاب نے سرگودھا سمیت صوبہ بھر کے تمام ڈپٹی کمشنرز کو ہدایت جاری کی ہے کہ وہ اپنے اپنے اضلاع میں تعلیمی اداروں کی سکیورٹی کو چیک کرنے کیلئے اچانک چھاپے ماریں اور جن تعلیمی اداروں کے سربراہوں نے سکیورٹی کے انتظامات مکمل نہیں کئے ان کیخلاف فوری کارروائی عمل میں لائی جائے۔ اس سلسلہ میں تمام اسسٹنٹ کمشنرز کو بھی ہدایت کی گئی ہے کہ وہ اپنے اپنے علاقوں میں قائم سرکاری‘ نجی‘ نیم سرکاری‘ پرائیویٹ تعلیمی اداروں کی سکیورٹی کو چیک کریں تاکہ کسی بھی ناخوشگوار واقعہ سے بچنے میں مدد مل سکے۔