![](https://baaghitv.com/wp-content/uploads/2022/11/2140787-dadfab-1579512236.jpg)
معروف مصنف خلیل الرحمان قمر نے سوشل میڈیا پر اپنے پوتے کی تصویر شئیر کرتے ہوئے خوشی کا اظہار کیا ہے اور کیپشن لکھا ہے کہ میں دادا بن گیا ہوں۔ خلیل الرحمان کی اس پوسٹ پر ان کے مداحوں نے مبارکباد دیں۔ مصنف نے گزشتہ روز ایک اور پوسٹ سوشل میڈیا پر شئیر کی جس میں انہوں نے معروف صحافی ارشد شریف جو کہ چند روز قبل کینیا میں قتل کر دئیے گئے تھے ان کے لئے ایک نظم لکھی۔ ان کی اس نظم کو بھی بہت زیاد ہ پسند کیا جا رہا ہے۔ یاد رہے کہ خلیل الرحمان قمر کا شمار ان رائٹرز میں ہوتا ہے جو بہترین لکھتے ہیں۔ ان کا لکھا ہوا ہر پراجیکٹ مشہور ہوجاتا ہے ان کے کئی ڈائیلاگز زبان زد عام ہیں۔ انہوں نے حال ہی میں یہ بھی اعلان کیا ہے کہ وہ
ڈرامہ سیریل میرے پاس تم ہو کو کتابی شکل دیں گے۔ان کے مداح ان کے اس اعلان سے بھی کافی خوش ہیں۔ دوسری طرف خلیل لرحمان قمر آج کل سوشل میڈیا پر پی ٹی ٓآئی کی بہت زیادہ حمایت کرتے ہوئے نظر آرہے ہیں ۔ ان کا ماننا ہے کہ عمران خان ہی اس ملک کی بہتری کے لئے آخری امید ہے۔ خلیل الرحمان قمر نے جو سوشل میڈیا پر عمران خان کے معاملے میں واضح پوزیشن لے رکھی ہے اس پر انہیں تنقید کا نشانہ بھی بنایا جاتا ہے لیکن یہ مصنف من موجی ہیں کسی کی تنقید کی پرواہ کئے بغیر جو کہنا ہے کہتے ہیں۔