لاہور : لاہور کو صاف ستھرا رکھنے کے لیے غیر قانونی کوڑا کرکٹ پھینکنے والوں کے خلاف ایل ڈبلیو ایم سی کا محکمہ حرکت میں آگیا . صرف ایک مہینے میں لاکھوں روپے کے چالان کردیئے اطلاعات کے مطابق ایل ڈبلیو ایم سی کی جانب سےغیر قانونی طور پر کوڑا کرکٹ پھینکنے والوں کے خلاف رواں سال یکم اگست سے اب تک 44 لاکھ 61 ہزار کے2397 چالان کیے گئے۔
لاہور ویسٹ مینجمنٹ کارپوریشن کی طرف سے لاہور کو صاف ستھرا رکھنے کے حوالے سے انفورسمنٹ ونگ نے کچرا پھیلانے والوں کے خلاف شہر میں آپریشن شروع کررکھا ہے، ایل ڈبلیو ایم سی حکام کے مطابق شہر میں غیر قانونی طور پرکوڑا کرکٹ پھینکنے والوں کے خلاف رواں سال یکم اگست سے اب تک 44 لاکھ 61ہزار کے 2397 چالان کیے گئے ہیں۔حکام کے مطابق شہر میں زیادہ تر ریسٹورنٹس اور کمرشل پلازوں کو نوٹسز جاری کیے گئے ہیں۔
