ٹھٹھہ : کراچی سمیت پورے سندھ میں افغانی قابض ہو رہیں ہے ،سندھی عوام کو اقلیت میں تبدیل کیا جارہاہے-سید نواز شاہ

ٹھٹھہ، باغی ٹی وی (نامہ نگار راجہ قریشی ) کراچی سمیت پورے سندھ میں افغانی قابض ہو رہیں ہے ،سندھی عوام کو اقلیت میں تبدیل کیا جارہاہے-سید نواز شاہ
تفصیل کے مطابق جئے سندھ محاذ کے مرکزی وائس چیئرمین سید نواز شاھ بہادائی نے عوامی پریس کلب ٹھٹھہ پہنچ کر پریس کانفرنس کرتے ہوئے کہاکہ سندھ کے اندر ریاستی سرپرستی میں سندھی عوام کو اقلیت میں تبدیل کرنے کے لۓ سندھ میں منظم منصوبہ بندی سے افغانیوں کو آباد کیا جارہاہے،اس نے مزید کہا کراچی سمیت پورے سندھ میں افغانی پٹھان قابض ہو رہے ہے ٹھٹھہ ضلع کے دابیجی ،گھارو، ساکرو، بہوھارا اور غلام اللہ سمیت پورے ضلع کے کاروباری مراکزاور زمینوں پر وڈیروں اور سیاستدانوں کے آشیرباد سےافغانی قابض ہو رہیں ہے اس نے کہا گھارو شہر میں ایک دہشتگرد نور خان نامی شخص سرکاری زمین پر قابض ہو کر ایک شوروم کھول کر غریب آدمیوں کو اقساط پر گاڑیاں دے کر پھر ایک دو قسط شارٹ ہونے پر گاڑیاں ضبط کر کے بندوں کو ہراساں کر کے ان کے پیسے ہڑپ کرجاتا ہے اور گاڑیاں بھی چھین لیتا ہے ،سید نواز شاہ نے کہا جئے سندھ محاذ کے طرف سے غیر ملکی افغانیوں کو آباد کرنے خلاف مہم شروع کریں گے،میں سندھی عوام کو بھی خبردار کرناچاہتاہوں کہ افغانی پٹھانوں اور غیر آباد لوگوں کو اپنا کاروبار اور ملکیتیں نہ بیچیں اور نہ انہیں کراۓ پر دیں.