باغی ٹی وی کی رپورٹ کے مطابق حافظ آباد جلسہ میں عمران خان کو سنگین نتائج کی دھمکیاں دینے پر مشیر وزیر اعظم عطاء تارڑ کی ضمانت کنفرم ہو گئی ہے
گوجرانوالہ کی مقامی عدالت نے تحریک انصاف کے چیئرمین عمران خان کو قتل کی دھمکی دینے کے کیس میں لیگی رہنماﺅں کی عبوری ضمانتوں پرفیصلہ سنا دیا، گوجرانوالہ کی عدالت میں عمران خان کو قتل کی دھمکی دینے کے کیس کی سماعت ہوئی،عطاتارڑاورسائرہ افضل تارڑ سمیت 4 ملزمان انسداد دہشتگردی عدالت میں پیش ہوئے، عدالت نے فریقین کے وکلا ءکے درخواست ضمانت پر دلائل مکمل ہونے پر فیصلہ محفوظ کرلیا تھا، اب عدالت نے فیصلہ سناتے ہوئے ملزمان کی ضمانت کنفرم کر دی ہے،عدالت نے راے قمر زمان کھرل کی ضمانت خارج کردی ہے
عدالت پیشی کے موقع پرعطا تارڑ کا کہنا تھا کہ سیاسی انتقام اور جلسے جلوسوں کے علاوہ قوم کی خدمت بھی اہم ہے، پنجاب اسمبلی میں ہنگامہ ہم نے نہیں کیا نہ کروایا،سیلاب متاثرین کے دکھ کا انداز ہے ،سیلاب متاثرین کی امداد کی جائے ،یہ جلسوں اور دورے کرنے کا وقت نہیں ،سیلاب متاثرین کے علاقوں کے دورے کرنے چاہیے، پنجاب کو بڑے بھائی ہونے کے ناطے آگے بڑھنا چاہیے تھا ،، تحریک انصاف اپنے لئے الگ قانون چاہتی ہے۔
