چونیاں : پولیس نے میری بیوی کے اغواء کار رشوت لیکر چھوڑ دئے -معراج علی

چونیاں،باغی ٹی وی (نامہ نگار) پولیس ایک ماہ قبل اغواء ہونے والی مغویہ کو بازیاب نہ کروا سکی، ملزمان کو گرفتار کیا گیا پولیس نے بھاری رشوت لے کر ملزمان کو چھوڑ دیا، مغویہ کے خاوند معراج علی کا الزام، بیوی کی بازیابی کیلئے خاوند اور بچوں کا ڈی ایس پی آفس کے سامنے احتجاج، مغویہ عاصمہ بی بی کو بازیاب کروایا جائے۔
تفصیلات کے مطابق چونیاں سے ایک ماہ قبل اغواء ہونے والی مغویہ خاتون کی بازیابی کا معاملہ, تھانہ صدر کی حدود کیتن کلاں سے ایک ماہ قبل اغواء ہوئی خاتون عاصمہ بی بی کو پولیس بازیاب نہ کروا سکی، تھانہ صدر چونیاں پولیس ملزمان کے ساتھ سازباز ہو چکی ہے، مغویہ کے خاوند معراجِ علی نے مزید الزامات میں کہا کہ تھانہ صدر میں بیوی کے اغواء کا مقدمہ نمبری 407/22 درج کروایا ایک ماہ ہو گیا ہے چھوٹے چھوٹے بچے اٹھا کر ایس ڈی پی او آفس چونیاں اور تھانہ صدر کے چکر لگائے اب تو تھک چکا ہوں، تفتیشی افسر عابد عمر نے مغویہ کی بازیابی کے لئے 50 ہزار رشوت لے کر لیہ سے 2 ملزمان گرفتار کیے جنہیں ہم نے شواہد ملنے پر نامزد بھی کر دیا تھا دو دن بعد تفتیشی افسر عابد عمر نے بھاری رشوت لے کر گرفتار ملزمان کو چھوڑ دیا۔ چھوٹے بچوں نے رو رو کر برا حال کر لیا ہے پولیس خاموش تماشائی کا کردار ادا کر رہی ہے۔ مدعی مقدمہ معراج علی نے مزید کہا کہ پولیس تھانہ صدر میری بیوی کو بازیاب نہیں کروا رہی۔ بیوی کی بازیابی کے لیے خاوند اور بچوں کی آر پی او شیخوپورہ ریجن ڈاکٹر انعام وحید، ڈی پی او قصور عمران کرامت بخاری اور ڈی ایس پی چونیاں فتح احمد کاہلوں سے اپیل۔