وزیراعلیٰ پنجاب نے صحافیوں کو خوشخبری سنا دی
وزیراعلیٰ پنجاب چودھری پرویز الٰہی کی زیر صدارت آج وزیراعلیٰ آفس میں پنجاب جرنلسٹ ہاؤسنگ فاؤنڈیشن بورڈ کااجلاس منعقد ہوا۔وزیراعلیٰ پنجاب چودھری پرویز الٰہی نے پنجاب جرنلسٹ ہاؤسنگ فاؤنڈیشن بورڈ کے دسویں اجلاس کی صدارت کرتے ہوئے لاہور پریس کلب ہاؤسنگ سکیم فیز 2 کا اعلان کیا۔
وزیراعلیٰ پرویزالٰہی نے اجلاس سے خطاب کرتے ہوئے کہا کہ لاہور پریس کلب ہاؤسنگ سکیم فیز2 کیلئے تحصیل کینٹ میں اراضی دی جائے گی۔ آشیانہ ہاؤسنگ سکیم میں 500 کنال لاہور پریس کلب ہاؤسنگ سکیم فیز2 کیلئے مختص کیے جائیں گے۔ لاہورپریس کلب ہاؤسنگ سکیم فیز 2میں 5،5مرلے کے پلاٹ دیئے جائیں گے۔اجلاس میں لاہورپریس کلب میں بی بلاک میں غیر قانونی طورپر 15پلاٹوں کی الاٹمنٹ منسوخ کی گئی اوروزیراعلیٰ چودھری پرویزالٰہی نے کہا کہ بی بلاک کے حقداروں کو شفاف طریقے سے پلاٹوں کی الاٹمنٹ کی جائے گی۔
وزیراعلیٰ نے پولیس حکام کو ہدایت کی کہ پریس کلب ہاؤسنگ سکیم بی بلاک میں ناجائز قابضین سے قبضے واگزار کرائے جائیں اوربی بلاک کے متاثرین کو ان کا حق دلایا جائے گا۔وزیراعلیٰ نے بی بلاک کے متنازع امورطے کرنے کیلئے رپورٹ طلب کرلی اورہدایت کی کہ بی بلاک کے متاثرین کے مسئلے کے حل کیلئے جلد میٹنگ بلائی جائے۔ وزیراعلیٰ پرویزالٰہی نے فیصل آباد پریس کلب ہاؤسنگ سکیم کیلئے سفارشات طلب کرتے ہوئے کہا کہ فیصل آباد پریس کلب ہاؤسنگ سکیم میں پانچ،پانچ مرلے کے 468 پلاٹ دیئے جائیں گے۔ وزیراعلیٰ پرویزالٰہی نے پنجاب جرنلسٹ ہاؤسنگ فاؤنڈیشن کے ذمے واجب الادا 35 کروڑ سو د معاف کردیا۔پنجاب جرنلسٹ ہاؤسنگ فاؤنڈیشن نے فنانس ڈیپارٹمنٹ کو واجبات کی مد میں 35 کروڑ روپے اداکرنا تھے۔ وزیراعلیٰ نے کہا کہ پنجاب کے دیگر اضلاع میں بھی بتدریج جرنلسٹ ہاؤسنگ سکیم لائیں گے۔ 18سال قبل سب سے پہلے جرنلسٹ بھائیوں کیلئے ہاؤسنگ سکیم قائم کی۔ لاہور،راولپنڈی اورملتان میں صحافیوں کو سینکڑوں پلاٹ دیئے گئے۔صحافیوں کیلئے اپنے گھر کا خواب پورا کریں گے۔
بزدار کے حلقے میں فی میل نرسنگ سٹاف کو افسران کی جانب سے بستر گرم کی فرمائشیں،تہلکہ خیز انکشافات
نوجوان جوڑے پر تشدد کرنیوالے ملزم عثمان مرزا کے بارے میں اہم انکشافات
لڑکی کو برہنہ کرنیوالے ملزم عثمان مرزا کو پولیس نے عدالت پیش کر دیا
مالی نے خاتون کے ساتھ زیادتی کے بعد دوستوں کو بلا لیا،اجتماعی درندگی کا ایک اور واقعہ
جرائم بڑھنے کی کوریج کیوں کر رہے؟ پنجاب ہاٸی وے پٹرولنگ پوسٹ کے اہلکاروں کی صحافیوں سے بدتمیزی
پریس سیکرٹری وزیراعلیٰ چودھری محمد اقبال، صدر نیشنل پریس کلب اسلام آباد انور رضا، صدر لاہور پریس کلب محمد اعظم چودھری، صدر راولپنڈی پریس کلب کوآپریٹو ہاؤسنگ سوسائٹی رانا محمد طاہر،پی ایف یو جے کے جنرل سیکرٹری رانا محمد عظیم، ایم ڈی پی جے ایچ ایف راؤ پرویز اختر اور متعلقہ حکام کی اجلاس میں شرکت کی۔ ارکان پنجاب اسمبلی ساجد احمد خان بھٹی، زینب عمیر، سینئر ممبر بورڈ آف ریونیو،سی سی پی او لاہور، سیکرٹری اطلاعات،کمشنر لاہور ڈویژن، سیکرٹری جنگلات، سیکرٹری سیٹلمنٹ کمشنر بورڈ آف ریونیو، ڈپٹی کمشنر لاہور، ڈپٹی کمشنر راولپنڈی، ڈی جی ایل ڈی اے، ڈی جی ایف ڈی اے اورڈی جی پی آر نے اجلاس میں شرکت کی۔
