اعظم سواتی کو کوئٹہ سے باہر منتقل نہ کیا جائے، عدالت کا حکم
بلوچستان کی عدالت نے حکم دیا ہے کہ گرفتار ملزم اعظم سواتی کو کوئٹہ سے باہر منتقل نہ کیا جائے. سینیٹر اعظم سواتی کے خلاف درج 5 مقدمات کو ختم کرنے سے متعلق کیس کی سماعت کے دوران بلوچستان ہائیکورٹ نے حکم دیا ہے کہ اعظم سواتی کو کوئٹہ سے باہر منتقل نہ کیا جائے. علاوہ ازیں عدالت نے فریقین کو نوٹسز جاری کر دئیے جس میں ڈی جی ایف آئی اے ، محکمہ داخلہ بلوچستان اور آئی جی پولیس شامل ہیں.
سینیٹر اعظم سواتی کے خلاف بلوچستان میں مزید مقدمات درج نہ کرنے کا حکم بھی عدالت نے دیا جبکہ عدالت نے آئی جی پولیس بلوچستان سے واقعے کی رپورٹ طلب بھی کرلی اور کہا رپورٹ آئندہ سماعت پر پیش کی جائے. آخر میں بلوچستان ہائیکورٹ نے کیس کی سماعت 9 دسمبر تک ملتوی کردی اور اسی دن واقعے کی رپورٹ بھی طلب کی گئی.
مزید یہ بھی پڑھیں؛
اسلام آباد کا سب سے بڑا شاپنگ مال سینٹورس سیل
پوری نیند خواتین کو عملی زندگی میں کامیاب بنا سکتی ہے. تحقیق
ہسپانیہ ساختہ جنگی بحری جہاز ’جلالۃ الملک حائل ‘ کی شاہی بحریہ میں باضابطہ شمولیت
خیال رہے کہ گزشتہ دنوں پاکستان تحریکِ انصاف کے گرفتار سینیٹر اعظم سواتی کو بلوچستان پولیس نے بھی گرفتار کر لیا تھا. اعظم سواتی کی گرفتاری کی تصدیق کرتے ہوئے بتایا گیا تھا کہ بلوچستان پولیس اعظم سواتی کو گرفتار کر کے کوئٹہ لے گئی جبکہ یاد رہے اعظم سواتی کو بلوچستان پولیس نے صوبے میں مختلف علاقوں میں درج مقدمات کی بنیاد پر گرفتار کیا تھا۔
