دنیا کے سب سے بڑے سرچ انجن گوگل کا وفد پاکستان پہنچ گیا.
دنیا کے سب سے بڑے سرچ انجن کی پاکستانی مارکیٹ میں انٹری،گوگل کا وفد پاکستان پہنچ گیا۔ گوگل کا وفد وفاقی وزیر آئی ٹی اینڈ ٹیلی کام سید امین الحق سے ملاقات کرے گا۔ وفد وزیر قانون، چیئرمین پی ٹی اے اور دیگر عہدیداروں سے بھی ملے گا جس میں پاکستان میں دفتر کھولنے اور سرمایہ کاری پر بات چیت ہوگی۔
وزیر آئی ٹی سید امین الحق کا کہنا ہے کہ گوگل کو پاکستان میں دفتر کھولنے پر قائل کریں گے، گوگل، فیس بک اور دیگر پلیٹ فارمز پاکستان سے کروڑوں کماتے ہیں، انہیں چاہئے کہ پاکستان میں دفتر قائم کرکے نوجوانوں کو ملازمت دیں۔ امین الحق نے کہا کہ کسی بھی تنازع کی صورت میں ہم دفتر سے رجوع کرسکیں گے، ریاست، مذہب اور کلچر کے خلاف مواد کو ڈیلیٹ کروا سکتے ہیں۔
یاد رہے کہ چند روز قبل وفاقی وزیر برائے انفارمیشن ٹیکنالوجی (آئی ٹی) امین الحق نے کہا تھا کہ عالمی سرچ انجن گوگل نے پاکستان میں رابطہ آفس کھولنے کا فیصلہ کیا ہے۔ اس حوالے سے سید امین الحق نے کا تھا کہ گوگل آفس کا قیام پاکستانی صارفین کیلئے اہم سنگ میل ثابت ہوگا، گوگل ایشیا پیسیفک نے سکیورٹیز اینڈ ایکسچینج کمیشن آف پاکستان میں رجسٹریشن کروالی ہے، حکام سے رابطے جاری ہیں، دسمبر کے دوسرے ہفتے میں وفد کی پاکستان آمد متوقع ہے، گوگل وفد سے ملاقات میں پالیسیز، صارفین کے مسائل، حکومتی تعاون سمیت دیگر امور پر گفتگو ہوگی۔
مزید یہ بھی پڑھیں
حرا کلچرل کالونی: مکہ مکرمہ آنے والوں کے لیے ایک نیا تجربہ
ملتان ٹیسٹ؛ ہدف کے تعاقب میں پاکستان کی بیٹنگ جاری
فیفا ورلڈ کپ؛ ارجنٹائن اور کروشیا کی ٹیمیں سیمی فائنل میں کل آمنے سامنے ہوں گی
روزگار کی تلاش میں بیرون ملک جانیوالے پاکستانیوں میں 3 گنا اضافہ
’’ٹک ٹاک‘‘ پر بہادری دکھانے کا انجام، مصری لڑکا معذور ہو گیا
روزگار کی تلاش میں بیرون ملک جانیوالے پاکستانیوں میں 3 گنا اضافہ
انہوں نے مزید کہا تھا کہ گوگل آفس یوٹیوب سمیت گوگل کی تمام ایپلی کیشنز سے متعلق امور کی نگرانی کرے گا، گوگل ایڈورٹائزنگ سے متعلق معاملات پر صارفین کو فوری ریسپانس مل سکے گا، گوگل کو وزارت آئی ٹی و ٹیلی کمیونیکیشن کی جانب سے بھرپور تعاون حاصل ہوگا۔ وفاقی وزیر کا کہنا تھا کہ ٹک ٹاک نے بھی پاکستان میں اپنا رابطہ آفس کھولنے کا اصولی فیصلہ کرلیا ہے، امید ہے فیس بک بھی اس ضمن میں جلد ہی اپنا فیصلہ جاری کرے گا، پاکستان میں بین الاقوامی اداروں کے دفاتر کھولنے کیلئے وزارت آئی ٹی مسلسل ان ادراوں سے رابطے میں ہے۔