پشاور:کے پی کے وزیراعلیٰ محمود خان اسمبلی توڑنے سے گریزاں،عمران خان ناراض ،اطلاعات کے مطابق پاکستان تحریک انصاف کی دو صوبائی حکومتوں کی تحلیل ایک مسئلہ بن گئی ہے ، اطلاعات ہیں کہ وزیراعلیٰ کے پی محمود خان نے جمعہ کے روز اسمبلی کی تحلیل سے گریزاں ہیں اور یہ شرط عائد کردی ہے کہ جب تک پنجاب اسمبلی تحلیل نہیں ہوتی اس وقت تک کے پی اسمبلی کو تحلیل نہیں کیا جائے گا
اعظم سواتی نے ضمانت پر رہائی کے باوجود اسی جرم کا ارتکاب دوبارہ کیا،تفصیلی فیصلہ
دوسری طرف یہ بھی اطلاعات ہیں کہ عمران خان محمود خان کے اس فیصلے پر کچھ خوش دکھائی نہیں دیتے، یہ بھی کہا جارہا ہےکہ عمران خان بہت جلد کے پی کے وزیراعلیٰ کو لاہوربلا رہے ہیں، تاکہ ان کے ساتھ اسمبلی کی تحلیل کو حتمی شکل دی جاسکے
اس سے پہلے آج خیبرپختونخوا کے وزیر اعلیٰ محمود خان نے کہا ہے کہ صوبائی اسمبلی تحلیل کرنے کا فیصلہ مؤخر کردیا گیا ہے اور پنجاب اسمبلی کی صورت حال واضح ہونے کے بعد پارٹی قیادت کی ہدایت پر عمل کروں گا۔حیات آباد سپورٹس کمپلکس پشاور میں میڈیا سے گفتگو کرتے ہوئے وزیر اعلیٰ محمود خان نے کہا کہ پاکستان تحریک انصاف (پی ٹی آئی) نے خیبرپختونخوا اسمبلی کی تحلیل کا فیصلہ مؤخر کر دیا ہے۔انہوں نے کہا کہ عمران خان پہلے پنجاب اسمبلی کے مستقبل کا فیصلہ کریں گے۔
ان کا کہنا تھا کہ ابھی پنجاب اسمبلی کے معاملے پر غور جاری ہے، پارٹی قیادت اور عمران خان پنجاب اسمبلی کا فیصلہ کریں گے اور اس کے بعد خیبرپختونخوا اسمبلی کی تحلیل پر بات ہوگی۔انہوں نے کہا کہ جب خیبرپختونخوا اسمبلی کی تحلیل پر بات ہوگی تو فیصلہ ہوگا۔وزیر اعلیٰ کا کہنا تھا کہ پارٹی قیادت کے ساتھ رابطے میں ہوں لیکن ابھی تک عمران خان نے مجھے اسمبلی تحلیل سے متعلق کوئی ہدایت نہیں کی۔انہوں نے کہا کہ آج عمران خان سے رابطہ ہوگا مگر پہلے پنجاب اسمبلی کے معاملات دیکھے جائیں گے۔
اس سے قبل وزیراعلیٰ کے معاون خصوصی بیرسٹر محمد علی سیف نے ٹوئٹ میں کہا تھا کہ خیبر پختونخوا اسمبلی کی تحلیل عمران خان کے حکم کے مطابق ہوگی۔انہوں نے کہا کہ ہمارا مقصد اس امپورٹڈ حکومت کو الیکشن کے لیے مجبور کرنا ہے۔
