شیخ زید ہسپتال کوئٹہ میں بلیک میلنگ اورجنسی ہراسانی کا ایک اور بڑا اسکینڈل
کوئٹہ:کوئٹہ کے شیخ زید ہسپتال میں خواتین اسٹاف نرسز کو ایک گروہ کی جانب سے مبینہ طور پر جنسی طور پر ہراساں اور بلیک میل کر کے جسمانی و مالی فوائد لینے کا اسکینڈل منظر عام پر آگیا،سیکرٹری صحت نے الزامات کا نوٹس لیکر تحقیقات کے لئے کمیٹی قائم کردی ۔
تفصیلات کے مطابق کوئٹہ میں واقع شیخ زید ہسپتال میں تعینات ایک اسٹاف نرس نے نام ظاہر نہ کرتے ہوئے اعلیٰ حکام ، پولیس و محکمہ صحت انتظامیہ کے نام ایک کھلاخط لکھا ہے جس میں انہوں نےایک ہیڈ نرس مسرت تنویرپر ہسپتال میں تعینات اسٹاف نرسز ، عملے کی خواتین کو ہراساں کرنے ، بلیک میل کر کے جسم فروشی پر مجبور کر نے کے سنگین الزامات عائد کئے ہیں،
خانیوال میں فائرنگ، سی ٹی ڈی کے 2 افسران جاں بحق
خط میں پیرا میڈیکل اسٹاف ایسوسی ایشن کے ایک عہدےدار سمیت ہسپتال کے اعلیٰ حکام پر بھی الزامات عائد کئے گئے ہیں ۔خط کے متن میں کہا گیا ہے کہ سٹاف نرسز پر دباﺅ ڈال کر کے انہیں جنسی طور پر ہراساں کر نے کیا جاتا ہے اور جب کوئی خاتون انکار کرتی ہے تو اسے نا صرف بلیک بلکہ سنگین نوعیت کی دھمکیاں دی جاتی ہیں ۔
سی ٹی ڈی خیبر پختونخوا دہشت گردی کا مقابلہ نہیں کرسکتا ،قومی اداروں کی رپورٹ
خط میں پولیس، انتظامیہ، محکمہ صحت کے اعلیٰ حکام سے نوٹس لیکر تحقیقات کرنے کی بھی استدعا کی گئی ہے ۔دوسری جانب سیکرٹری صحت بلوچستان نے خواتین اسٹاف نرسز کو جنسی طور پر ہراساں کرنے کے الزاما ت کو نوٹس لیکر تحقیقاتی کمیٹی قائم کردی ،کمیٹی ڈپٹی سیکرٹری رومانہ مراد کھوسہ کی سربراہی میں قائم کی گئی ہے جس نے اپنے ایک مراسلے میں متاثرہ خواتین، طلبائ، ملازمین کو تاکید کی ہے کہ وہ کمیٹی میں اپنا موقف بیان کریں ، کمیٹی کی جانب سے یقین دہانی کروائی گئی ہے کہ میرٹ پر ذمہ داروں کے خلاف قانون کے مطابق کاروائی عمل میں لائی جائےگی ۔
بنوں میں سی ٹی ڈی کمپاونڈ میں دہشت گردوں کا حملہ،2 فوجی اورایک سی ٹی ڈی اہلکار…
Leave a reply
