سرکاری واٹر فلٹریشن پلانٹ بند،لوگ آلودہ پانی پینے پہ مجبور

قصور
نواحی گاؤں مانانوالہ میں اہلیان دیہہ سرکاری موٹروں و واٹر فلٹریشن پلانٹس سے حاصل ہونے والے صاف پانی کی بجائے گندہ پانی پینے پہ مجبور

تفصیلات کے مطابق قصور کے نواحی گاؤں مانانوالہ میں گورنمنٹ کی طرف سے کروڑوں روپیہ لگا کر عوام کو واٹر فلٹریشن پلانٹس لگا کر پینے کے لئے صاف پانی مہیا کیا گیا تھا تاکہ لوگ صاف شفاف پانی پئیں اور بیماریوں سے محفوظ رہیں مگر ان واٹر فلٹریشن پلانٹس کا عوام کو پانی پینا نصیب نہیں
سرکاری موٹروں اور فلٹریشن پلانٹس کو تالے لگے ہوئے ہیں جس کے باعث اہلیان علاقہ آلودہ پانی پینے پہ مجبور ہیں اور مختلف بیماریوں کا شکار ہو رہے ہیں
اہلیان دیہہ نے ڈپٹی کمشنر قصور سے استدعا کی ہے کہ اج واٹر فلٹریشن پلانٹس کو چلوایا جائے تاکہ لوگ پینے کا صاف پانی حاصل کر سکیں