پسند کی شادی کرنے والی لڑکی مبینہ طور پر زیادتی کا شکار

فیصل آباد میں پسند کی شادی کرنے والی لڑکی کو مبینہ طور پر زیادتی کا نشانہ بنانے کا واقعہ پیش آیا ہے۔

باغی ٹی وی : پولیس کے مطابق یہ لرزہ خیز واقعہ فیصل آباد میں کنجوانی کےعلاقےگڑھ فتح شاہ میں پیش آیا ،لڑکی نے الزام عائد کیا ہے کہ ملزمان نے مبینہ زیادتی کےبعد نقدی، موبائل فون اور طلائی زیورات بھی چھین لیے-

تفصیلات کے مطابق اوکاڑہ کی رہائشی لڑکی نے کچھ عرصہ قبل پسند کی شادی کی تھی اور گھر والوں کی مرضی کے بغیر شادی کرنے والا جوڑا دوست کے پاس عارضی مقیم تھا جہاں یہ واقعہ پیش آیا-

پولیس کے مطابق لڑکی سے زیادتی کا واقعہ 13 جنوری کو پیش آیا جس کے بعد 2 ملزمان کے خلاف مقدمہ درج کر کے تحقیقات کا آغاز کر دیا گیا ہے تاہم تاحال کوئی گرفتاری عمل میں نہیں آ سکی ہے-

رائیونڈ سندرسٹیٹ میں پیپر مل میں آتشزدگی،دس گاڑیاں آگ بجھانے میں مصروف

دوسری جانب ایک ہفتہ قبل کوئٹہ آنے والی لڑکی کی لاش گھر سے برآمد ہو ئی سریاب پولیس کو اطلاع ملی تھی کہ سریاب روڈ منیر مینگل پھاٹک کے قریب گھر میں لڑکی کی لاش پڑی ہے جس پر پولیس نے لاش تحویل میں لے کر ہسپتال پہنچائی جہاں پوسٹ مارٹم کے بعد ورثا کے حوالے کر دی گئی-

پولیس نے بتایا کہ لڑکی قلات کی رہائشی تھی جو ایک ہفتہ قبل اپنے دوست کے ہمراہ کوئٹہ آئی تھی اور دوست کے گھر پر ہی رہائش پذیر تھی لاش کے قریب سے زہریلی دوا کی بوتل بھی ملی۔

لواحقین کی مدعیت میں مقدمہ درج کرکے نامزد ملزم کی گرفتاری کے لئے چھاپے مارے جا رہے ہیں۔ پولیس کا کہنا ہے کہ پوسٹ مارٹم رپورٹ آنے کے بعد ہی اصل حقائق سامنے آئیں گے-

لڑکی کو نیم مردہ حالت میں ساحل پر پھینکا گیا،پوسٹ ماٹم رپورٹ میں انکشاف