پشتون تحفظ موومنٹ کی طرف سے پاک فوج پر حملہ سے قبل ہی انڈیا میں سوشل میڈیا ویب سائٹ ٹویٹر کے مختلف اکاؤنٹس سے پاک فوج کے خلاف اور پی ٹی ایم کے حق میں پروپیگنڈہ مہم شروع کئے جانے کا انکشاف ہوا ہے.
باغی ٹی وی کی رپورٹ کے مطابق اس دوران بیرون ممالک سے سوشل میڈیا پر جعلی تصاویر والی پوسٹیں لگائی جاتی رہیں. خاص طور پر سوات کی 24 دسمبر 2008 کی ایک تصویر پوسٹ کی گئی جس میں ایک شخص کو گولیاں لگنے سے زخمی دکھا گیا ہے.
پی ٹی ایم کی طر ف سے بھی سوشل میڈیا پر یہی جعلی تصویر استعمال کی جاتی رہی جبکہ ایسے تمام اکاؤنٹس سے متعلق انکشاف ہوا ہے کہ یہ سبھی اکاؤنٹس انڈیا، افغانستان اور دیگر بیرون ممالک سے چلائے جارہے ہیں.
پی ٹی ایم نے ٹی ٹی پی کی طرح مسلح بغاوت شروع کر دی، ریاست ان کی دہشت گردی فوری کچلے. زید حامد
یاد رہے کہ ممتاز تجزیہ نگار زید حامد بھی اس سے پہلے واضح طور پر کہہ چکے ہیں کہ پی ٹی ایم کو را، این ڈی ایس اور دیگر اداروں سے واضح مدد مل رہی ہے. ان کا کہنا ہے کہ پی ٹی ایم نے پاکستان مسلح بغاوت کا آغاز کر دیا ہے. بہت عرصہ سے توقع کر رہے تھے کہ پی ٹی ایم مسلح بغاوت شروع کر دے گی اور آج یہ خیال حقیقت کا روپ دھار گیا ہے.
باغی ٹی وی کی رپورٹ کے مطابق خاص طور پر جب سے آئی ایس پی آر نے اپنی پریس کانفرنس پی ٹی ایم کے خلاف کی تھی. ہمیں نظر آرہا تھا کہ پی ٹی ایم سمجھ رہی ہے کہ اب ریاست ان پر ہاتھ ڈالے گی اور جو بغاوت انہوں نے برپا کرنی ہے اس میں ان کو جلدی کرنا پڑے گی. پھر اسلام آباد میں گلالئی کے خلاف دہشت گردی کے مقدمات قائم ہوئے تو پی ٹی ایم میں مزید خوف پیدا ہوا یوںبالکل واضح لگ رہا تھا کہ کچھ ہی دنوںمیںیہ پاکستانی ریاست کے خلاف کاروئی کریںگے.
انہوں نے کہاکہ انڈیا میں مودی کی جیت نے انہیںبہت حوصلہ دیا اور انہیں معلوم ہو گیا کہ آئندہ کئی سال تک ہندوتوا آئیڈیالوجی ان کی پشت پر کھڑی رہے گی. اور امریکی بحری بیڑہ جو اس خطہ میں آرہا ہے اس سے بھی ان کو بہت حوصلہ ہے کہ یہ پاکستان کے خلاف اپنی بغاوت کو کامیاب کر سکتے ہیں. اس لئے آج جو کچھ ہوا ہے یہ ان کا اوور کانفیڈنس ہے. انہوں نے چیک پوسٹ پر حملہ کیا اور سمجھا کہ شاید پاکستانی فوج زخمی ہو جائے گی لیکن جھڑپ میں ان کے بہت سے لوگ مارے گئے اور زخمی ہوئے. اور کچھ گرفتاریاں بھی ہوئی ہیں. معاملہ سرخ لکیر پار ہو گئی ہے. ایک ایم این اے کی حیثیت سے پاک فوج پر حملہ کرنے کے بعد محسن داوڑ نہ تو ایم این اے رہنے کے قابل ہے اور جب کھل کر بیان دیا کہ وہ افغان ہےا ور رہے گا تو پھر اس کی ریاست کے خلاف جنگ صرف بغاوت نہیںبلکہ ٹی ٹی پی کی طرح کی ایک دہشت گردی اور غیر ملکی ریاستوں کے ساتھ مل کر پاکستان کے خلاف اعلان جنگ ہے. سو اب وقت آگیا ہے کہ پی ٹی ایم کی دہشت گردی کو کچل دیا جائے. اس کے چار پانچ سرغنہ ہیں منظور پشتین ہے، گلالئ ہے. علی وزیر ہے ان سب کو ریاست فوری طور پر گرفتار کر کے فوجی عدالتوں مین پیش کرے. اب یہ کیس سول عدالتوںکا نہیں ہے.
اس سے پہلے کہ پ اکستانی میڈیا میں خبریںآتیں انڈیا کے ٹویٹر ہینڈل پاکستانی فوج کےخلاف اور پی ٹی ایم کے حق میں پروپیگنڈہ مہم شروع کر چکے تھے. پی ٹی ایم کو ٹویٹر ہینڈل براہ راست انڈیا سے سپورٹ مل رہی ہے. این ڈی ایس، را اور بین الاقوامی ادارے پی ٹی ایم کے حق میں اور پاکستان کے خلاف مہم چلا رہے ہیں.
