شاہ رخ خان نے کیا راکھی کو فون

بالی وڈ اداکارہ راکھی ساونت جن کی والدہ کا انتقال دو روز قبل ہوا، انہوں نے میڈیا سے حال ہی میں گفتگو کرتے ہوئے کہا ہے کہ میں بہت خوش ہوں کہ میری والدہ اس دنیا کو چھوڑ کر چلی گئی وہ ایسی جگہ چلی گئی ہے جہاں اسکو دوائیاں نہیں کھانی پڑیں گی ، انجیکشنز نہیں لگیں گے نہ ہی اسکو کوئی تکلیف ہو گی . راکھی نے کہا کہ میں بہت دکھی ہوں اور اس دکھ کی گھڑی میں میرا ساتھ میرے پورے بالی وڈ نے دیا ہے. راکھی نے کہا کہ سلمان خان ہوں یا دیگر بالی وڈ سٹارز سب نے مجھے کالز کیں، شاہ رخ خان جن کی فلم اتنی بڑی ہٹ ہو گئی ہے انہوں نے اپنی مصروفیت سے وقت نکال کر مجھے کال کی اور میری ممی کے لئے دعائیں کیں، انہوں نے کہا کہ مجھے فخر ہے کہ میرے اس دکھ درد میں میرا پورا بالی وڈ

میرے ساتھ کھڑا ہے میں سب کی شکر گزار ہوں. اس موقع پر راکھی کے شوہر عادل نے کہا کہ راکھی کی ممی بہت زیادہ تکلیف میں تھیں‌، راکھی اپنی والدہ سے بہت محبت کرتی تھی ، جب وہ بول نہیں پاتی تھی تب بھی راکھی ان سے دیوانہ وار باتیں کرتی رہتی تھی. میں بہت افسردہ ہوں کہ راکھی جسے میں‌بہت محبت کرتا ہوں آج وہ شدید دکھ اور تکلیف کی حالت میں ہے کاش میں اسکی تکلیف کو کم کرپاتا لیکن ماں کا چلے جانا ایک بہت بڑا نقصان ہوتا ہے جس کوئی بھی اس دنیا میں نعم البدل نہیں‌ہو سکتا.