سینئر اداکارہ روبینہ اشرف اپنی خوبصورت اداکاری کی وجہ سے ایک خاص پہچان رکھتی ہیں. انہوں نے آج کی اداکارائوں کے ساتھ بھی کام کیا ہے ، روبینہ جہاں بہت ساری نئی اداکارائوں کے کام کی معترف ہیں وہیں وہ دیوانی ہیں یمنہ زیدی کے کام کی. روبینہ اشرف کا کہنا ہے کہ یمنہ زیدی کے اندر جتنی فنکارانہ صلاحیتیں ہیں وہ بہت کم اداکارائوں میں ہے. یمنہ سے آج تک وہ کام نہیں لیا جا سکا جو وہ کر سکتی ہے، وہ حقیقت کے قریب اداکاری کرتی ہے اس کی فنکارانہ صلاحیتیں اس قسم کی ہیں انہیں آسکر ایوارڈ دیاجانا چاہیے. روبینہ اشرف نے کہا کہ میں جب جب یمنہ زیدی کی اداکاری دیکھتی ہوں تو دل خوش ہوجاتا ہے کہ آج کل کے فنکار کس قدر باصلاحیت ہیں. روبینہ اشرف نے کہا کہ یمنہ زیدی کو بڑے پردے پر بھی آنا چاہیے اسکے ساتھ کام کرکے مجھے ہمیشہ ہی بہت اچھا لگا ہے.
یاد رہے کہ روینہ اشرف پہلی اداکارہ نہیں ہیں جنہوں یمنہ زیدی کی اداکاری کو سراہااس سے قبل اداکار نعمان اعجاز بھی یمنہ زیدی کی اداکاری کی بے حد تعریف کر چکے ہیں ان کا بھی ماننا ہے کہ یمنہ زیدی ایک بہت بڑی فنکارہ ہیں وہ اپنے کردار میں اس طرح سے کھو جاتی ہے کہ دیکھنے والوں کو حقیقت کا گمان ہوتا ہے.
Leave a reply
