کامران شاہد نے حال ہی میں اپنی فلم ہوئے تم اجنبی کا ٹریلر لانچ کیا ہے. اس موقع پرانہوں نے انٹرویو دیتے ہوئے کہا کہ اس فلم کا سکرپٹ میرے دل کے بہت قریب تھا، اورمیری بہت خواہش تھی کہ اس پر کام کروں گا اسلئے یہ بنائی اور فلم تیار ہو چکی ہے عید الفطر پر ریلیز ہوگی. مجھے بہت امید ہے کہ شائقین کو یہ فلم پسند آئیگی. انہوں نے مزید کہا کہ میرا پیشہ صحافت ہے ، میں نے اپنے شوق سے فلم ڈائریکٹ کی، اگر کوئی اور مجھے کہے کہ میں تمہیں اتنے پیسے دیتا ہوں فلم ڈائریکٹ کر دو میں ایسا نہیں کروں گا ، میں ہمیشہ شاہد فلمز کی فلمیں ہی ڈائریکٹ کروں گا. میرا جب دل کرے گا تب ہی فلم ڈائریکٹ کروں گا اور شاہد فلمز کے بینر تلے ہی وہ فلم بنے گی. کامران شاہد نے کہا کہ میری فلم کا موضوع سنجیدہ ہے
لیکن اس میں ایک لڑکی اور لڑکے کی محبت کی کہانی دکھائی گئی ہے. میری پوری ٹیم نے میرے ساتھ بہت زیادہ تعاون کیا. کامران شاہد نے کہا کہ فلم کا سکرپٹ ہی اس قسم کا تھا کہ اس کو بنانے میں ہی کافی وقت لگ گیا لیکن مجھے خوشی ہے کہ آخر کار مجھے اپنا کام لوگوں کے سامنے رکھنے کا موقع میسر آگیا ہے.