کولمبو (اے پی پی) سری لنکا اور نیوزی لینڈ کے درمیان پہلا ٹی 20 میچ اتوار کو کھیلا جائے گا.
تفصیلات کے مطابق سری لنکا اور نیوزی لینڈ کی کرکٹ ٹیموں کے درمیان تین ٹی 20 میچوں کی سیریز کا پہلا میچ اتوار کو پالے کیلی میں کھیلا جائے گا۔ نیوزی لینڈ نے سیریز سے قبل ٹور میچ میں سری لنکا بورڈ پریذیڈنٹ الیون کو 33 رنز سے شکست دی، سیریز کا دوسرا میچ 3 ستمبر جبکہ تیسرا اور آخری میچ 6 ستمبر کو کھیلا جائے گا، تینوں میچز پالے کیلی میں کھیلے جائین گے۔ واضح رہے کہ اس سے قبل دونوں ٹیموں کے مابین کھیلی گئی دو ٹیسٹ میچز کی سیریز 1-1 سے برابر رہی۔
