صدر مملکت کے خلاف فردجرم عائد کردی گئ ، کیوں کی وجہ نے حیران کردیا

خرطوم : سوڈان پر برسوں حکومت کرنے والا صدر عمر البشیر آج عدالتوں کے دھکے کھانے پر مجبور ، بالکل وہی کیفیت جو پاکستان میں برسوں اقتدار میں رہنے والے حکمران خاندان اس وقت کرپشن کی وجہ سے جیل میں سزائیں بھگت رہے ہیں، اطلاعات کے مطابق سوڈان کے ایک جج نے بدعنوانی اور غیر قانونی طور پر غیر ملکی کرنسی رکھنے کے الزام میں برطرف صدر عمر البشیر کے خلاف فرد جرم عائد کی ہے۔

سابق سوڈانی صدر عمر البشیر نے ہفتے کے روز خرطوم کی عدالت کو بتایا کہ انھیں سعودی ولی عہد محمد بن سلمان کی جانب سے دو کروڑ 50 لاکھ ڈالر کی رقم موصول ہوئی تھی۔ لیکن، انھوں نے یہ رقم نجی مقاصد کے لیے استعمال نہیں کی۔فوری طور پر یہ بات واضح نہیں ہوئی آیا بشیر نے یہ رقم کس طرح استعمال کی۔

یاد رہے کہ بین الاقوامی عدالتِ انصاف 75 برس کے سابق سوڈانی صدر کے خلاف جنگی جرائم، انسانیت کے خلاف جرائم اور نسل کشی کے الزامات پر فرد جرم عائد کر چکی ہے، جو ان سے سوڈان کے ڈارفر خطے میں طویل عرصے تک جاری رہنے والی لڑائی کے دوران مبینہ طور پر سرزد ہوئے۔