چوٹی زیریں،باغی ٹی وی ( محسن نوازنامہ نگار) پولیس تھانہ درخواست جمال خان کی منشیات فروش کے خلاف کاروائی، ملزم رنگے ہاتھوں گرفتار, 19 لیٹر شراب کا کین برآمد، ڈی پی او ڈیرہ غازیخان راشد ہدایت کے ویژن کے مطابق منشیات فروشوں کو نشان عبرت بنایا جائے گا۔ ایس ایچ او محمد ابرہیم بلوچ
تفصیلات کے مطابق پولیس تھانہ درخواست جمال نے منشیات فروشوں کے خلاف کاروائی کا سلسلہ شروع کر دیا ، پولیس تھانہ درخواست جمال نے مخبر کی اطلاع پر منشیات فروش محمد بلال کو شراب فروخت کرتے ہوئے رنگے ہاتھوں 19 لیٹر شراب کے کین کے ہمراہ گرفتار کر کے اس کے خلاف مقدمہ درج کر لیا۔ اس موقع پر ایس ایچ او درخواست جمال خان محمد ابرہیم بلوچ کا کہنا تھا کہ منشیات فروش معاشرتی قاتل ہیں اور ایسے لوگ کسی رعایت کے مستحق نہیں اور ڈی پی او ڈیرہ غازی خان کے ویژن کے مطابق ایسے منشیات فروشوں کے خلاف کارروائی کرکے ان کو نشان عبرت بنایا جائے گا اور معاشرے کو منشیات کی لعنت سے پاک کرنے کے لیے ہر ممکنہ اقدامات اٹھائے جائیں گے۔
Shares:
