پولیس وین سے کیسے نکلے؟ علی بلال کے ساتھ گرفتار پی ٹی آئی کارکن نے بتا دیا

باغی ٹی وی کی رپورٹ کے مطابق تحریک انصاف کے کارکن علی بلال کی موت کے حوالے سے تحریک انصاف کی قیادت کے تمام تر الزامات جھوٹے ثابت ہو گئے، وزیراعلیٰ پنجاب محسن نقوی اور آئی جی پنجاب نے پریس کانفرنس کرتے ہوئے تمام حقائق سامنے رکھ دیئے ہیں

علی بلال کی موت ٹریفک حادثے میں ہوئی، پولیس نے کاروائی کرتے ہوئے ملزمان کو حراست میں لیا ہے، جس شخص کی گاڑی سے علی بلال کو ٹکر لگی اس گاڑی کے ڈرائیور کا ویڈیو بیان بھی سامنے آیا ہے، اب علی بلال کے ساتھ گرفتار ہونے والے پی ٹی آئی کارکنان کا بیان بھی سامنے آیا ہے جس میں محمد اشتیاق نامی کارکن کہتے ہیں کہ آٹھ مارچ کو میں ریلی میں شرکت کرنے کیلئے زمان پارک پہنچا تھا تھوڑی دیر کے بعد ہمیں گرفتار کر لیا گیا اور قیدیوں کی وین میں بٹھا دیا گیا آہستہ آہستہ دیگر دوست بھی آتے گئے ان میں ارشد بھائی اور ظلِ شاہ بھی موجود تھا تھوڑی دیر کے بعد وین میں ہمیں فوٹر س سٹیڈیم کی جانب لے جانے لگے ہم نے وین کا دروازہ کھٹکٹایا اور کہا کہ ہم نے پیشاب کرنا ہے، ڈرائیور نے گاڑی سڑک کے کنارے روک دی جس پر ہم باری باری وین سے اتر گئے جن میں ظلِ شاہ بھی شامل تھا وہ بھی اپنی راہ پر چل پڑا

ایک اور کارکن محسن شاہ نے بھی ویڈیو بیان دیتے ہوئے کہا کہ قیدیوں کی وین میں جب لڑکے کو پیشا ب آیا تو گاڑی رکنے پر ہم سب نکل گئے میں بس سٹاپ کی طرف گیا اور ظلِ شاہ بھی ہمارے ساتھ تھا جبکہ باقی بھی وین سے نکل کر چلے گئے

واضح رہے کہ آئی جی پنجاب نے پریس کانفرنس کرتے ہوئے بتایا کہ تمام تکنیکی مسائل کو بروئے کار لارے ہوئے بیک ٹریک کیا گیا گاڑی کو 31 کیمروں کی مدد سے گلبہار سیکیورٹی کی بیسمنٹ سے ٹریک کیا گیا گاڑی کی بیک سیٹ پر ظل شاہ کا خون بھی موجود ہے،6 بجکر24 منٹ پر یہ گاڑی فورٹریس اسٹیڈیم کے قریب ظل شاہ سے ٹکرائی ،پنجاب پولیس تمام تفتیش انکے والد کے سامنے خود رکھے گی گاڑی میں جہانزیب اورعمر فرید نامی افراد تھے گاڑی کا مالک راجہ شکیل ہے اور یہ پی ٹی آئی کا سینٹرل پنجاب کے وائس پریزیڈنٹ ہیں

زمان پارک میں عورتوں کے ساتھ زیادتی

عمران خان کی جاسوسی، آلات برآمد،کس کا کارنامہ؟

عمران ریاض کی گرفتاری اور تصویر کا دوسرا رخ،مبشر لقمان نے کہانی کھول دی

 قانون جو بھی توڑے گا وہ تیار رہے ریڈ لائن عبور نہیں کرنی چاہئے،

مسلح افواج پر تنقید کی سزا پانچ سال قید،دو لاکھ جرمانہ، عمران ریاض خان کی اپنی ویڈیو وائرل

زمان پارک بارے آڈیو لیک،مولانا فضل الرحمان بھی خاموش نہ رہ سکے