کپتان کی اننگز جاری ، تحریک انصاف نے (ن) لیگ کی بڑی وکٹیں گرادیں

نارووال : کپتان کی اننگز ابھی جاری ہے ، کچھ وقفے کے بعد اب پھر دیگر جماعتوں سے لوگ ٹوٹ کر پی ٹی آئی میں‌آنے لگے ، ایسا ہی نارووال میں ہوا، اطلاعات کے مطابق نارووال سے (ن) لیگ کے مینارٹی ونگ کے ضلعی عہدیداروں نے (ن) لیگ چھوڑ کر پاکستان تحریک انصاف میں شمولیت اختیار کرلی۔

پی ٹی آئی ذرائع کےمطابق پنجاب سیکرٹریٹ میں پی ٹی آئی پنجاب کے صدر اعجازاحمدچودھری سے سابقہ ایم پی اے شہزاد منشی کی قیادت میں وفد نے ملاقات کی، (ن) لیگ مینارٹی ونگ ضلع نارووال کے صدر اے ایس راجہ، سیکرٹری اطلاعات سفین اختر،ایلڈر غفور مسیح، امجد مسیح، وکٹر امانت، عامر ڈین شامل ہوئے

پی ٹی آئی میں دیگر شامل ہونے والوں میں شمائلہ کامران، یو حنا شاہین طارق، بوٹا مسیح، عظیم بشیر ضلعی نائب صدریوتھ ونگ(ن) لیگ، دل شیر ناصر الدین ضلعی نائب صدر یوتھ ونگ، سابقہ کونسلرعمران گل نے ساتھیوں سمیت تحریک انصاف میں شمولیت اختیارکی۔نئے شامل ہونیوالوں نے پی ٹی آئی پنجاب کی قیادت پر بھرپور اعتماد کا اظہار کیا۔