میں اور رنبیر دو مختلف مزاج کے انسان ہیں لیکن پھر ایک دوسرے کے ساتھ خوش ہیں عالیہ بھٹ

عالیہ بھٹ اور رنبیر کپور بالی وڈ کے خوبصورت جوڑوں میں سے ایک ہیں. عالیہ بھٹ نے نہایت ہی کم عرصے میں اپنا آپ منوایا .گزشتہ برس عالیہ اور رنبیر نے شادی کی ان کی اب ایک بیٹی ہے. عالیہ اور رنبیر کپور نے حال ہی میں ایک انٹرویو دیا ہے جس میں انہوں نے کہا ہے کہ میں اور رنبیر کپور دونوں مزاج کے اعتبار سے ایک دوسرے سے بالکل مختلف ہیں اور ہماری عادات ایک دوسرے کے ساتھ نہیں ملتی ، بعض اوقات ہمارا کسی ایک مدعے پر اتفاق نہیں ہوتا لیکن ہم ایک دوسرے کی رائے کااحترام کرتے ہیں اور کوشش کرتے ہیں کہ ایک دوسرے کے ساتھ ٹکرائو اور

تصادم کی صورتحال پیدا نہ ہو. انہوں نے کہا کہ میں سمجھتی ہوں کہ کسی بھی رشتے کی خوبصورتی اس چیز میں ہے کہ اس کی انفرادیت قائم رہے، اور انسان جس طرح کے ہیں وہ اسی طرح رہیں ایک دوسرے کے لئے خود کو اس ھد تک نہ بدلیں کہ کل کو مسائل کا سامنا کرنا پڑے. مجھے بہت خوشی ہے کہ ہم ایک دوسرے کے ساتھ نہ صرف محبت کرتے ہیں بلکہ ایک دوسرے کی رائے کا احترام بھی کرتے ہیں ،. اس موقع پر رنبیر نے عالیہ بھٹ کی ہاں میں ہاں ملائی اور کہا کہ بالکل ایسا ہی ہے.