عمران خان کیخلاف نیب تحقیقات،ہم ابھی نیب کو کسی چیز سے روک نہیں رہے،عدالت

توشہ خانہ کیس میں نیب تحقیقات،اسلام آباد ہائیکورٹ نے عمران خان اور بشریٰ بی بی کی درخواستوں پر نوٹس جاری کر دیا،

اسلام آباد ہائیکورٹ کے چیف جسٹس عامر فاروق کی سربراہی میں دو رکنی ڈویژن بینچ نے توشہ خانہ کیس میں طلبی کے نیب نوٹسز کے خلاف عمران خان اور بشریٰ بی بی کی درخواستوں پر سماعت کی ،درخواست گزار کی جانب سے وکیل خواجہ حارث عدالت میں پیش ہوئے، خواجہ حارث نے عدالت میں دلائل دیتے ہوئے کہا کہ نیب نوٹس میں نہیں بتایا گیا کس حیثیت میں انفارمیشن مانگی جارہی ہے عدالتی فیصلے آ چکے اس لیے نوٹس کی مکمل معلومات دینا ضروری ہے نیب پر لازم ہے وہ مکمل معلومات فراہم کرے نیب کے پرانے قانون کے ہوتے یہ فیصلے آچکے تھے

اسلام آباد ہائیکورٹ کے چیف جسٹس عامر فاروق نے استفسار کیا کہ ابھی جو نیب قانون میں ترامیم آئی ہیں ان میں نوٹس کا کیا طریقہ ہے؟ خواجہ حارث نے کہا کہ ترمیمی قانون کہتا ہے بتانا لازم ہے آپ کسی کو کیوں بلا رہے ہیں ترمیمی قانون میں بتانا ہوگا کسی کو بطور ملزم بلایا یا کسی دوسری وجہ پر بلایا عدالت نے استفسار کیا کہ کیا عمران خان کو طلبی کے نوٹس آ گئے ہیں؟ خواجہ حارث نے بتایا کہ کال اپ نوٹس آ گئے ہوئے ہیں، خواجہ حارث نے نیب کے نوٹسز عدالت میں پیش کر دیے اورکہا کہ ان نوٹسز میں نیب نے ہمیں معلومات فراہم نہیں کیں ان میں صرف لکھا گیا پبلک آفس ہولڈرز کے خلاف انکوائری ہے

عدالت نے کمرہ عدالت میں موجود نیب پراسیکیوٹر کو روسٹرم پر بلا لیا تو نیب پراسیکیوٹر نے بتایا کہ عمران خان کو یاد دہانی کا نوٹس بھیجا گیا تھا اس پر اسلام آباد ہائیکورٹ کے چیف جسٹس عامر فاروق نے ریمارکس دیتے ہوئے کہا کہ آپ کے نوٹسز میں عدالتی فیصلوں پر عملدرآمد نظر نہیں آتا ہم ابھی نیب کو کسی چیز سے روک نہیں رہے نیب جو سوال پوچھنا چاہے پوچھ سکتا ہے بھلے وہ کوئی میٹریل نہ ہو ہم ان درخواستوں پر آرڈر جاری کریں گے بعد ازاں عدالت نے نیب نوٹسز کے خلاف عمران خان اور بشریٰ بی بی کی درخواستوں پر فیصلہ محفوظ کرلیا تھا جو اب سنا دیا گیا ہے، عدالت نے نیب کو نوٹس جاری کر دیا ہے

یاد رہے کہ 16 اور 17 فروری کے نیب کال اپ نوٹسز ہائیکورٹ میں چیلنج کیے گئے ہیں ،چیئرمین تحریک انصاف عمران خان اور بشریٰ بی بی تاحال نیب آفس پیش نہ ہوئے  عمران خان کی جانب سے نیب میں طلبی کے نوٹس غیرقانونی قرار دینےکی استدعا کی گئی ہے عمران خان نے کیس کا فیصلہ آنے تک نیب کو تادیبی کاروائی سے روکنے کی استدعا بھی کی ہے عمران خان نے درخواست کی ہے کہ نیب کے 16 فروری اور17 مارچ کے نوٹس غیرقانونی قرار دیے جائیں، درخواست پر فیصلہ آنے تک انکوائری کو انویسٹیگیشن میں تبدیل کرنے سے روکا جائے۔

عدالت نے عمران خان کو 13 مارچ کو سیشن کورٹ میں پیش ہونے کا حکم دیا

نیب ٹیم توشہ خانہ کی گھڑی کی تحقیقات کے لئے یو اے ای پہنچ گئی، 

قیام پاکستان سے اب تک توشہ خانہ کے تحائف کی تفصیلات کا ریکارڈ عدالت میں پیش

بزدار کے حلقے میں فی میل نرسنگ سٹاف کو افسران کی جانب سے بستر گرم کی فرمائشیں،تہلکہ خیز انکشافات

وفاقی دارالحکومت میں ملزم عثمان مرزا کا نوجوان جوڑے پر بہیمانہ تشدد،لڑکی کے کپڑے بھی اتروا دیئے