اداکارہ پلک تیواری جو کہ ٹی وی اداکارہ شویتا تیواری کی بیٹی ہیں وہ سلمان خان کی فلم کسی کا بھائی کسی کی جان سے بالی وڈ میں اپنا ڈیبیو کرنے جا رہی ہیں، انہوں نے اپنے ھالیہ انٹرویو میں انکشاف کیا ہے کہ کسی کا بھائی کسی کی جان کے سیٹ پر سلمان خان نے لڑکیوں کے لئے پورے کپڑے پہن کر آنے کی شرط رکھی ہوئی تھی ، جس پر ہم سب لڑکیاں عمل کرتی تھیں، انہوں نے کہا کہ جب میںگھر سے پورا لباس پہن کر نکلنے لگتی تو ماں پوچھتی کیا ہو گیا ہے تم کو تو میں کہا کرتی تھی کہ ماں سلمان سر کا سیٹ ہے انہوں نے مکمل کپڑے پہننا شرط رکھی ہے. پلک
تیواری نے مزید وضاحت کرتے ہوئے کہا کہ سلمان خان نے پورے کپڑے پہننے کی شرط اسلئے رکھی تھی کیونکہ وہ چاہتے ہیں کہ لڑکیاں محفوظ رہ سکیں اور کوئی ان پر میلی آنکھ نہ رکھ سکے. سلمان خان ہمیں یہ کہتے بھی تھے کہ مناسب لباس پہن کر گھر سے نکلو تو کسی بھی قسم کی پریشانی کا سامنا نہیں کرنا پڑتا. اداکارہ نے یہ بھی کہا کہ سلمان خان کے ساتھ کام کرکے جو تجربہ حاصل ہوا ہےوہ یقینا میرے کیرئیر میں بہت کام آئیگا.
