جرمنی کے دوصوبوں میں ہونے والے پارلیمانی انتخابات میں کرسچین ڈیموکریٹک یونین (سی ڈی یو) اور سوشل ڈیموکریٹک پارٹی (ایس ڈی پی) نے میدان مار لیا تاہم گذشتہ انتخابات کے مقابلے میں ان کے ووٹوں میں نمایاں کمی دیکھنے میں آئی ہے۔
جرمنی میں دو سو سیاست دانوں کے قتل کا منصوبہ کیسے ناکام ہوا
جرمنی کے دو صوبوں میں ہونے والے انتخابات کے نتائج کے مطابق سیکسنی میں چانسلر مرکل کی جماعت سی ڈی یو اور برانڈن برگ میں سوشل ڈیموکریٹس کی جماعت ایس ڈی پی کو کامیابی حاصل ہوئی ہے۔سی ڈی یو نے 32فیصد اور ایس پی ڈی نے تقریباً26فیصد ووٹ حاصل کیے۔
اگرچہ ان انتخابات میں اسلام اور تارکین وطن مخالف سیاسی جماعت اے ایف ڈی کو حاصل عوامی تائید میں اضافہ ہواتاہم یہ پارٹی دوسرے نمبر پر رہی۔اے ایف ڈی نے سیکسنی میں 27.5فیصد اور برانڈن برگ میں 23.2فیصد ووٹ حاصل کیے ہیں۔
