سلمان خان اور بھاگیہ شری 33 سال کے بعد پھر سے ایک ہو گئے

1989 میں آئی فلم میں نے پیار کیا نے سلمان خان اور بھاگیہ شری کے کیرئیر کو اونچائیوں پر پہنچا دیا، بھاگیہ شری نے تو چند ایک فلموں میں کام کیا اس کے بعد وہ گھر داری میں لگ گئیں ، لیکن سلمان خان تب سے اب تک فلموں میں کام کررہے ہیں ، سلمان خان 33 سال پہلے بھی ہٹ تھے آج بھی ہٹ ہیں. سلمان خان نے گو کہ سپر ہٹ فلمیں دیں لیکن بھاگیہ شری کے ساتھ ان کی جوڑی کو ہمیشہ مس کیا جاتارہا ہے. لیکن سلمان خان نے اپنی بنائی ہوئی فلم کسی کا بھائی کسی کی جان میں بھاگیہ شری کو لیکر شائقین کی اس خواہش کو پورا کر دیا ہے کہ سلمان اور بھاگیہ شری

ایک بار پھر سے نظر آئیں. کسی کا بھائی کسی کی جان میں بھاگیہ شری بھی ہیں ، سلمان خآن کی جب بھاگیہ شری پر نظر پڑتی ہے تو اس سین پر میں نے پیار کیا کا گیت چل پڑتا ہے. 33 سال کے بعد سلمان خان اور بھاگیہ شری کو ایک ساتھ دیکھ کر شائقین کافی خوش ہوئے ہیں. یاد رہے کہ بھاگیہ شری نے اپنی چوائس کے مطابق بالی وڈ کو خیرباد کہا تھا ورنہ ان کے پاس اس وقت بہت بڑی بڑی فلمیں تھیں. بھاگیہ کئی سال کے بعد ایک بار پھر سے بالی وڈ میں متحرک نظر آرہی ہیں.