اسلام آباد کی مقامی عدالت میں سابق وزیراعظم عمران خان کیخلاف توشہ خانہ کیس کی سماعت ہوئی،
توشہ خانہ کیس, فیصلہ سنا دیا گیا عدالت نے عمران خان کی درخواستیں مسترد کردیں ,عدالت نے عمران خان کو ذاتی حثیت میں 10 مئی کو طلب کرلیا , عدالت نے کہا کہ 10 مئی کو عمران خان پر فرد جرم عائد کی جائے گی،
عمران خان کے وکیل خواجہ حارث نے الیکشن ایکٹ کا سیکشن 190 اور193 پڑھ کر سنایا،خواجہ حارث نے کہاکہ کیس کا قابل سماعت ہونا اور ٹرائل ہونا دو مختلف چیزیں ہیں،توشہ خانہ کیس کا تاحال ٹرائل شروع ہوا نہ انکوائری ہوئی،سیشن عدالت کو سماعت سے قبل الیکشن ایکٹ کے سیکشن 190 اے سے گزرنا ہو گا
عمران خان کے وکیل خواجہ حارث نے کیس کے دائرہ اختیار پر دلائل مکمل کرلئے جج نے خواجہ حارث سے مکالمہ کرتے ہوئے کہاکہ آپ کے دلائل دونوں درخواستوں پر مکمل ہو چکے ہیں،خواجہ حارث نے کہا ابھی میں نے توشہ خانہ کیس کے دائرہ اختیار پر دلائل دیئے ہیں،اگر آپ کو لگتا ہے دونوں درخواستوں پر دلائل دے دیئے ہیں تو فیصلہ فرما دیں ،جج نے خواجہ حارث کے ساتھ مکالمہ کرتے ہوئے کہا کہ آپ عدالت کو نہیں سکتے کہ فیصلہ کریں یا نہ کریں ،جج نے ریمارکس دیتے ہوئے کہاک ہ وکیل گوہر علی نے گزشتہ سماعت پر درخواستوں پر دلائل دینے کا ایفیڈیوٹ دیا تھا ،جج نے کہا کہ آپ کی ناقابل ضمانت وارنٹ سیشن عدالت نے جاری کئے جو اپیل پر بھی مسترد ہوئی ،جج نے استفسار کیا اسلام آباد ہائیکورٹ میں اعتراض نہیں اٹھایا آپ نے، سیشن عدالت وارنٹ جاری نہیں کر سکتی ،خواجہ حارث نے استدعا کی کہ اگلے جمعہ تک سماعت ملتوی کردیں کیس کو کیس رہنے دیں، وکیل امجد پرویز نے کہا میراتو اعتراض ہےعمران خان کی دونوں درخواستیں بھی قابل سماعت ہیں بھی یا نہیں ،سیشن عدالت اپنا فیصلہ واپس نہیں کر سکتی،عمران خاان کو ٹرائل کا سامنا کرنا پڑے گا
جج نے ریمارکس دیتے ہوئے کہا کہ درخواستوں کی حد تک سماعت ملتوی نہیں ہوگی، دلائل آج ہی ہوں گے ،آپ اپنے دلائل کو آج ہی مکمل کریں، ٹرائل پہلے ہی تاخیر کا شکار ہے
دوسری جانب توشہ خانہ کیس میں عمران خان کی الیکشن کمیشن کی جانب سے نااہلی کے فیصلے کے خلاف درخواست کی سماعت اسلام آباد ہائی کورٹ میں ہوئی، جس میں عدالت نے میانوالی کی نشست پر ضمنی الیکشن روکنے کے حکم میں 11 مئی تک توسیع کردی ،عمران خان کے وکیل بیرسٹر علی ظفر عدالت میں پیش ہوئے، سماعت کے آغاز پر عدالت نے ریمارکس دیے کہ ویسے یہ ایک سیکنڈ کا کیس ہے، لیکن پتا نہیں کیوں اس میں دیر ہو رہی ہے ۔ وکیل نے کہا اصل ایشو یہ ہے کہ درخواست واپس لینے کی متفرق درخواست ہے، لاہور ہائی کورٹ میں کیس فل بنچ کے سامنے زیر سماعت ہے ،اسلام آباد ہائیکورٹ کے چیف جسٹس عامر فاروق نے ریمارکس دیتے ہوئے کہا کہ لاہور ہائی کورٹ میں آپ کا کیس کب لگا ہوا ہے، جس پر وکیل نے کہا کہ ہمارا کیس لاہور میں 19 مئی کو شاید مقرر ہے مسلسل کیسز لگے ہوئے ہیں، میں نے چھٹی پر بھی جانا ہے
اسلام آباد ہائیکورٹ کے چیف جسٹس عامر فاروق نے ریمارکس دیتے ہوئے کہا کہ الیکشن کمیشن کی طرف سے آج التوا کی درخواست آئی ہے توشہ خانہ کیس میں نا اہلی کے فیصلے کو عمران خان نے لاہور ہائیکورٹ میں بھی چیلنج کر رکھا ہے۔ عمران خان نے اسلام آباد ہائی کورٹ میں ایسی ہی دائر درخواست واپس لینے کے لیے رجوع کر رکھا ہے بعد ازاں عدالت نے الیکشن کمیشن کے وکیل خالد اسحاق کی جانب سے التوا کی درخواست منظور کرتے ہوئے کیس کی مزید سماعت جمعرات 11 مئی تک ملتوی کردی
عدالت نے عمران خان کو 13 مارچ کو سیشن کورٹ میں پیش ہونے کا حکم دیا
نیب ٹیم توشہ خانہ کی گھڑی کی تحقیقات کے لئے یو اے ای پہنچ گئی،
قیام پاکستان سے اب تک توشہ خانہ کے تحائف کی تفصیلات کا ریکارڈ عدالت میں پیش
