دنیا ٹی وی کے باہر صحافیوں‌ کا دھرنا، دفتر کو تالا لگا دیا

لاہور پریس کلب کی زیر قیادت صدر ایمرا آصف بٹ اور محمد علی میو نے دنیا نیوز سے صحافیوں اور ملازمین کی برطرفی کیخلاف احتجاج کرتے ہوئے دنیا ٹی وی کے دفتر پر تالا لگا دیا ہے،

باغی ٹی وی کی رپورٹ کے مطابق لاہور پریس کلب کی طرف سے اعلان کردہ شیڈول کے مطابق دنیا ٹی وی کے دفتر کے باہر صحافیوں کا زبردست احتجاجی دھرنا جاری ہے، اس دوران صدر ایمرا آصف بٹ نے دنیا ٹی وی کے دفتر کے باہر تالا لگا دیا ہے، یہ مظاہرہ جاری ہے اور کسی شخص کو ادارے کے اندر داخل نہیں ہونے دیا جا رہا،

واضح رہے کہ ایک دن قبل لاہور پریس کلب کی گورننگ باڈی کا ہنگامی اجلاس قائم مقام صدر ذوالفقارعلی مہتو کی صدارت میں ہوا تھا جس میں فیصلہ کیا گیا تھا کہ تحریک کے پہلے مرحلے میں دنیا گروپ سے 100 سے زائد صحافیوں اور دیگر ملازمین کی حالیہ برطرفیوں کے خلاف آج (3 ستمبر کو) دنیا گروپ کے صدر دفتر واقع ایبٹ روڈ کے سامنے احتجاجی دھرنا دیا جائے گا جس کے لئے پریس کلب سے سہ پہر 3 بجے ریلی پہنچی ہے، ریلی میں مختلف صحافتی تنظیموں کے لوگ شریک ہیں،