انقرہ: ترک فضائیہ نے شمالی عراق میں آپریشن کیا جس کے نتیجے میں 5 دہشتگرد ہلاک ہوگئے.
تفصیلات کے مطابق ترک محکمہ دفاع نے کہا ہے کہ ترک فضائیہ اور خفیہ ایجنسی ایم آئی ٹی کے اشتراک سے شمالی عراق میں کئے گئے آپریشن کے نتیجے میں 5 دہشتگرد ہلاک ہو گئے۔ ترک محکمہ دفاع کی جانب جاری کردہ رپورٹ میں بتایا گیا ہے کہ شمالی عراق کے علاقے خاقورق میں ترک فضائیہ اور خفیہ ایجنسی ایم آئی ٹی نے مشترکہ آپریشن کرتے ہوئے علیحدگی پسند تنظیم ”پی کے کے“ کے متعدد ٹھکانوں کو تباہ کردیا جس کے نتیجے میں 5 دہشت گرد بھی ہلاک ہو گئے۔ رپورٹ کے مطابق کے مطابق اس کارروائی کے بعد تمام لڑاکا طیارے بحفاظت واپس چلے گئے۔
