کراچی: متحدہ عرب امارات کے پاکستان میں سفیر حماد عبید ابراہیم الزابی نے کراچی میں اعلیٰ حکومتی عہدیداروں، سیاستدانوں، سفیروں اور دیگر اہم شخصیات کے اعزاز میں عشائیہ دیا۔
باغی ٹی وی: عشائیے میں گورنر سندھ، وزیر اعلیٰ سندھ، وزیر بلدیات ناصر حسین شاہ، وزیر محنت و افرادی قوت سندھ سعید غنی، اسپیکر آغا سراج درانی سمیت کویت، قطر، بحرین، عمان اور دیگر ممالک کے قونصل جنرلز سمیت دیگر معززین نے بھی خصوصی شرکت کی۔
اسپیس کا سفر کرنے والی پہلی عرب خاتون ریانا برناوی
عشائیہ کا اہتمام امارات کے قونصل جنرل کراچی بخیت عتیق الرومیتی کی رہائش گاہ پر کیا گیا۔ تقریب میں صوبے کی اعلیٰ سرکاری، سیاسی و کاروباری شخصیات نے بھی شرکت کی ۔
اماراتی سفیر حماد عبید ابراہیم الزابی کا کہنا تھا کہ کراچی آمد پر ہمیشہ مجھے ایک خوشی کا احساس ہوتا ہے ۔ سندھ باالخصوص کراچی کے لوگوں کی محبت اور زندہ دلی وطن اور گھر سے دوری کا احساس نہیں دلاتی ہے۔
سعودی عرب کی وزارت حج وعمرہ نے حج سیزن 1444 کا لوگو جاری کردیا
اماراتی قونصل جنرل کراچی انتہائی محبت کرنے والے اور متحرّک شخصیت ہیں۔ اس موقع پر بخیت عتیق الرومیتی نے کہا کہ بانی یو اے ای نے پاک یو اے ای دوستی کی بنیاد رکھی تھی، اس بنیاد کو مضبوط بنانا ہم سب کا فرض ہےانشا اللہ سندھ حکومت کے تعاون سے بہت جلد سیلاب متاثرین کیلئے گھروں کی تعمیر کا منصوبہ شروع کر نے جارہے ہیں۔
